斌菲特訓班丨七仙羽預明年股市跌勸遠離期指 豪言：做風水點會搵到10幾億？

關智斌（Kenny）的YouTube節目《斌菲特訓班》請來七仙羽師傅暢談樓市、股票，提到香港樓市表現在這兩年間轉差，不少市民慘變負資產，七師傅建議大家視乎自己的能力和收入，再「守株待死雞」；她更勸人勿炒股和期指，應該要腳踏實地做事，「我屋企喺外國有好多生意，我做風水點會搵到10幾億吖？」

同場加映：TONE Music Festival丨張天穎Lolly Talk冷靜與熱情之間 懶理競爭見證對方成長：感動起雞皮

{{hket:ul-video id="9128"}}{{/hket:ul-video}}

{{hket:inline-image name="02.png"}}{{/hket:inline-image}}

{{hket:inline-image name="2376.jpg"}}{{/hket:inline-image}}

七師傅指投資組合應按不同時期和情況去分配，還勸大家遠離期指，「你快買快賣，你估背後大戶唔知呀？好多人股票輸錢，唔會怨其他人，但如果佢去按摩，調理頸椎一百萬，調理完之後，一百萬都未好喎，佢會話『呃人㗎、神棍、衰人、呃我錢』，佢會嬲你嬲成世，股票輸一百萬，佢唔出聲，冇嘢喎，咪又係大戶呃你，所以啲人嘅心態好奇怪！」

七仙羽多次預言中晒都冇人信？ 大爆樓價將下跌 勸大家賣樓要快【下一頁】

{{hket:inline-image name="50_600_600.jpg"}}{{/hket:inline-image}}

至於股市方面，七師傅表示明年將會跌一次，Kenny問道：「而家要沽晒？」七師傅說：「沽唔沽有咩區別？我諗揸住股票嗰啲人，大部分都係輸，股票好難炒，你唔夠莊家玩，我建議盡量唔好搞股票，過程可能好happy，會睇到升，但最終都係輸。」七師傅指很多人的心態，將炒股票當作一個投資賺錢，但她認為還是做實業會比較好，腳踏實地做事，她說：「我賺嘅錢都係腳踏實地，我屋企投資賺咁多錢，背後都有實業去做，我屋企喺外國有好多生意，我做風水點會搵到10幾億吖？冇乜可能吖，我算命又唔收錢，擇日又唔收錢，改個名都係收1800蚊，乜都唔收錢，我點樣賺到10幾億？我點會有咁多物業吖？嗰啲錢都係屋企人嘅錢，屋企人投資好多嘢，做好多生意，嗰啲賺錢。」

七仙羽海景豪宅曝光遍地都係金 無敵海景勁旺財：將啲錢引入嚟【下一頁】

最後，Kenny趁機自肥問自己運程，七師傅指他整體非常好，揚言要點條黑路給Kenny行，「因為你個樣靚，你有五百世嘅修行，個福報已經好大。你一條路要行到黑為止，黑完之後就係光明，黎明前就係最黑暗。我陣間指條光明大路畀你，陣間你除晒鞋襪，喺出面行一條路，呢條路你越行就越富！」Kenny聞後不容有失，立即除鞋襪，在大屋的花園草地行，大吸靈氣。Kenny問七師傅平時是否赤腳踩草地吸靈氣，七師傅竟說不是，「我平時着住對鞋踩到中間先除鞋㗎，（Kenny：你而家先講！）係呀，呢啲就係經驗啦，唔好下下都相信別人。」Kenny無奈苦笑說：「我又學到嘢，多謝師傅。」

{{hket:inline-image name="3434.jpg"}}{{/hket:inline-image}}

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】