張國榮67歲冥壽唐唐甫相被嫌 驚喜追加從未曝光合照網民感激

巨星張國榮（哥哥）2003年4月1日愚人節離世，即使多年過去，fans同親友從來都冇忘記過佢。今日係哥哥67歲冥誕，哥哥生前摯愛唐鶴德（唐唐）一如以往同大家分享哥哥照片，雖然分享哥哥獨照時被人「質疑」，隨後依然大方分享從未曝光合照。

同場加映：  馬浚偉跨越喪母後遺情緒病 面對爸爸去年胃癌病逝：感恩無憾

{{hket:ul-video id="9111"}}{{/hket:ul-video}}

唐唐先係分享張國榮嘅獨照，上面寫住：「Happy Birthday to you，Leslie」，呢張相嘅打燈喺晒哥哥右邊面，突顯佢深邃輪廓，不過就竟然惹來一位網民「嫌棄」：「這張照片真的不好看好嗎，你發點好看，衣服褶皺真的很奇怪啊。、「明明還有很多完美的照片可以發出來，怎麼非得這張呢？」唔少fans都認為呢位網民挑剔，亦唔覺得呢張相有唔妥：「哪裏不好看呢？」、「唐生是沒有義務要發照片給你看的😅」

{{hket:inline-image name="377734997_285675397538313_7566674497072046676_n.jpg"}}{{/hket:inline-image}}

唐唐都冇理有關留言，隨後再分享一張同哥哥從未曝光合照，留言：「分享1張生日合照，我們一起祝福『哥哥』生日快樂。」相中哥哥從背後抱住唐唐，睇落非常快樂同甜蜜，唔少fans都表示非常感動，感激留言：「終於等到合照啦！永遠看起來都是這麼的般配。」、「感謝唐生的新圖！」、「先生每次的新圖都為我們帶來驚喜和慰藉，終於等到合照啦。」、「多謝唐先生分享的新合照。」

1998年為哥哥拍攝寫真集《ALL ABOUT LESLIE》為哥哥拍攝寫真嘅日本攝影師清永安雄都分享咗一張哥哥嘅靚仔相，清永安雄３年前都有分享哥哥浴室相，大家都非常懷念Leslie嘅美好！

圖片來源：Instagram