李克勤澳門開騷收碧咸親筆簽名球衣 自稱打牌高手最愛食雙皮奶

李克勤繼不久之前於香港跟香港交響樂團合作之後，日前宣布將於今年9月29日至10月2日將在澳門倫敦人綜藝館舉行《我們的交響樂》演唱會。

同場加映：TONE Music Festival丨張天穎Lolly Talk冷靜與熱情之間 懶理競爭見證對方成長：感動起雞皮

{{hket:ul-video id="9128"}}{{/hket:ul-video}}

{{hket:inline-image name="IMG_0899.jpg"}}{{/hket:inline-image}}

{{hket:inline-image name="IMG_0896.jpg"}}{{/hket:inline-image}}

今次去倫敦人演出，克勤笑指演唱會海報做到好像去了倫敦一樣，不少朋友和粉絲一眼望落去，以為他去英國倫敦開騷，「有朋友仲打來訂飛，叫我幫佢買。有歌迷就DM我問去咁遠，有冇近少少呀，攞唔到假飛英國，好搞笑。係呀，倫敦.....人開騷！咁近大家都過來一齊玩啦！」

{{hket:inline-image name="IMG_0882.JPG"}}{{/hket:inline-image}}

克勤父母是澳門人，所以從小到大暑假都跟父母回澳門探望祖父母，由於之前紅館《弦續演唱會》，他跟樂手拍攝的影片，現場十分受歡迎，所以他今次就特別抽時間回澳門為了澳門演唱會的內容再拍攝影片，並先到即將入住倫敦人的房間參觀，克勤驚訝發現，酒店為他細心準備了碧咸留下來給他的禮物， 七號親筆簽名球衣，又收到一封碧咸的歡迎信，令克勤十分驚訝，「話晒自己係曼聯迷，冇諗過會有咁驚喜禮物畀我，都幾開心呀！」問到克勤碧咸封信寫咩？他笑謂過來澳門睇演唱會咪知囉！

{{hket:inline-image name="IMG_0894.jpg"}}{{/hket:inline-image}}

當日他還去了小時侯外公外婆住的地方「岡頂」，又去了最喜愛的手信店買手信回家，並且食了雙皮奶，一度引起手信街哄動，門口企滿圍觀睇明星的人，「真係冇諗過咁擰轉頭咁多部手機對住自己，嚇一嚇，哈哈。依家手機年代，都要習慣啦，咪笑住對住啲手機揮吓手囉。可能澳門人同遊客少見到我，興奮咗少少。」

{{hket:inline-image name="IMG_0890.jpg"}}{{/hket:inline-image}}

{{hket:inline-image name="IMG_0891.jpg"}}{{/hket:inline-image}}

至於食雙皮奶，克勤表示是一個兒時回憶，「我次次返來澳門都食，因為我阿公係做租麻雀畀鄰居打牌呢個生意嘅，每次麻雀收回來就要抹乾淨再用，我抹好他就會帶我去食雙皮奶獎勵我。所以我好細個就已經學識打牌，重係高手，次次都贏，因為我好認真，我記得晒所有牌，你出過咩、打過咩都逃不過我大腦。但我做唔到賭神，因為我只係有耐性打四圈，多過四圈我就覺得好悶，我都係鐘意圓形嘢多過四方長方，去踢波開心啲。」

{{hket:inline-image name="IMG_0895.jpg"}}{{/hket:inline-image}}

撰文：娛樂組

相片：大會提供