《票房毒藥》MV︳Nowhere Boys邀黃子華任男主角 結他手Ken親揭多年師徒關係

樂隊Nowhere Boys第一次創作情歌《票房毒藥》，請來黃偉文（Wyman）填詞之外，MV更找來電影《流水落花》導演賈勝楓執導，《毒舌大狀》黃子華、楊偲泳（Renci）擔任男女主角。

同場加映：

TONE Music Festival丨張天穎Lolly Talk冷靜與熱情之間 懶理競爭見證對方成長：感動起雞皮

{{hket:ul-video id="9128"}}{{/hket:ul-video}}

{{hket:inline-image name="P8200210.jpg"}}{{/hket:inline-image}}

{{hket:inline-image name="P8200053.jpg"}}{{/hket:inline-image}}

新歌MV在紅磡的舊式戲院拍攝，Nowhere Boys成員同粉絲客串戲院觀眾、路人，主要戲份就交由子華同Renci演出。子華完成拍攝後表示：「好玩，唔辛苦，又唔熱。真係『冥冥中』，今日嚟到好多驚喜，見到我嘅老師，係佢搞到我隻手痛咗幾個月，原來佢係呢隊band嘅成員，我之前睇過佢哋做騷。仲有呢首歌由Wyman填詞，好耐冇見佢真人，好開心遇到佢嘅詞。見到大家拍MV咁投入，好激勵。」

我們的移動城堡︳Nowhere Boys邀前輩客串新歌MV 張達明馮素波演主角年老版【下一頁】

主音Van話：「冇諗過會發生喺我哋身上，得子華神嘅加持，仲有Renci，佢哋來自大家都好熟悉嘅電影團隊，真係好勁！多謝佢哋嚟參與演出。」他指邀請子華演出是天真夢想，就即管向公司提出，結果非常驚喜，「想請子華神拍MV，因為佢曾經有段時間被形容『票房毒藥』，唔緊要，去年佢憑《毒舌大狀》成為過億票房嘅電影男主角啦！」Van稱子華答應演出後，才知道結他手Ken跟對方甚有淵源，Ken：「幾年前子華嚟睇我哋做騷，完騷後佢問我可唔可以教佢彈結他，所以我教咗佢一段時間。」

（↓點擊放大睇圖片↓）

新歌由黃偉文填詞，Van續言：「好開心邀請到Wyman填詞，佢問我想寫咩？我話Nowhere Boys出道以嚟未有一首情歌，通常都好rock。佢就提議寫一首內心啲嘅，大概意思係唔需要全部人都好愛我，只得一個人欣賞就足夠。其實我哋都係咁諗！從來都唔妄想世界鍾意我哋嘅音樂，只要支持我哋嘅聽眾繼續支持我哋已足夠。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】