黃偉文梁朝偉30年對比越老越型 當年Sales爆天價鼻鍊全港得三條

梁朝偉（偉仔）日前獲威尼斯影展頒發「終身成就金獅獎」，成為第一位華裔演員得此榮譽。偉仔之後同太太劉嘉玲停留英國，相約移居當地嘅黃偉文（Wyman）敘舊。Wyman於社交平台分享同偉仔嘅合照，又拿出30年前嘅合照作對比，非常有趣。

同場加映：

怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

Wyman post 1993年兩人出席「飢饉30」活動嘅相對比，當年偉仔以歌手身分出席，Wyman同佢戴上鼻鍊合照，走在潮流尖端。Wyman留言：「大家都搵唔番條鼻鍊出嚟。（有keep先驚啦）真係足足30年之後先有機會再合照。再講咩邊個個樣變咗，邊個冇乜點變都係多餘，骨膠原流失係自然定律，係對閱歷同智慧嘅奉獻，最緊要大家都算冇穿冇爛，仍然為自己所信所愛努力緊。」

{{hket:inline-image name="374730820_17972812577578873_1280721942399655034_n.jpg"}}{{/hket:inline-image}}

Wyman特別多謝劉嘉玲充當攝影師。偉仔面對太太的鏡頭特別搞鬼，還配合30年前放電眼神。網民都大讚二人越老越有型，仲話佢哋嘅骨膠原流失得剛剛好，又有人話自己當年因為佢哋條鼻鍊而去穿鼻，之後先知佢哋鼻鍊係假嘅，非常爆笑！最特別係有人稱自己係當年鼻鍊嘅Saleperson！

有自稱曾經任職名店Jean Paul Gaultier售貨員嘅網民留言，當年係佢賣呢兩條鼻鍊畀Wyman，留言：「你條鼻鍊，係我賣畀你，中環太子大廈當時要$7xxx。」Wyman相認「哈哈，多謝你。祝你一切安好」；唔少網民睇到都話貴，「1993年7千幾都幾係嘢，而家叫我都買唔落手」，呢位售貨員回覆：「 係呀，當時真係見到好多勁人，係超級貴，當時只係返咗3條。」有網友好奇問仲有一條最後係邊個潮人要咗，售貨員就表示可能係當年老闆自己要番！

撰文︰娛樂組

圖片來源：Instagram