吳大強客串《愛回家》孖吳偉豪對戲 放低英文歌王形象歌唱比賽走音？

吳偉豪爸爸吳大強憑《中年好聲音》而人氣急升，外間一直期待他客串《愛回家之開心速遞》，跟「朱凌凌」吳偉豪以父子檔演出。昨晚《愛回家》預告片及訪問片段出街，吳大強跟吳偉豪的角色造型及關係曝光。劇情講述吳大強這位熱愛音樂的長者，為了拍MV遇上導演身分的朱凌凌（吳偉豪 飾）。吳偉豪這次一人分飾兩角，除了演朱凌凌外，還要戴假髮兼化假鬚，飾演吳大強戲中的兒子。

同場加映：陳美齡慨嘆香港教育過時要改革 67歲以父親箴言苦盡甘來享兒孫褔

{{hket:ul-video id="9080"}}{{/hket:ul-video}}

{{hket:inline-image name="09071001.jpg"}}{{/hket:inline-image}}

{{hket:inline-image name="09071002.jpg"}}{{/hket:inline-image}}

吳大強跟吳偉豪早前在中環拍攝外景，兩父子合體吸引途人集郵。吳大強受訪時表示：「今日係我哋期待已久，客串《愛回家》一集，心情好興奮。佢（吳偉豪）入咗《愛回家》之後我都一直有追，今日可以圓夢真係好開心。個故事發展落去都幾曲折，希望大家都期待睇吓！」至於他們的精彩演出，大家就要留意今晚（7日）節目播出。

奇蹟小店丨吳大強開心曬一家六口全家福 機師二哥高顏值不輸三弟吳偉豪【下一頁】

吳偉豪戲內戲外也是吳大強兒子，對於獲劇組悉心安排，他說：「第二個角色係做大強個仔，我唔知叫咩名，總之造型同『吳偉豪』有啲唔同……其實得少少（戲份），類似一個彩蛋咁，我都唔想透露太多，大家睇到嗰個位會感覺到咩啦！（造型幾特別？）其實幾辛苦，而家咁熱仲要戴住個假髮，仲要係長頭髮，又要化少少假鬚，都驚如果流太多汗會溶晒個妝，咁會好核突，但好彩就冇，因為嗰段好快拍完。」

《愛回家》預告2000集播「大結局」 吳大強爆將同吳偉豪對手戲但係...【下一頁】

二人後來由外景轉到廠景拍攝，雖然有冷氣開工較舒適，但吳大強就被對白考起，全靠導演特別處理，他說：「今次對白比較長啲，不過佢（指吳偉豪）幫到我㗎，成個團隊知道我係新人嚟嘛，哈哈……咁有啲對白多嘅時候會分段拍，結果都完成咗。」吳偉豪更爆料爸爸有場專登的走音戲，效果好笑又得意。

（↓點擊放大睇圖片↓）

其實兩父子早前已拍過《非常檢控觀》及鬚刨廣告，合作上應該沒有甚麼問題。吳偉豪表示：「今次更加唔知點，因為戲種完全唔同，上次《非常檢控觀》比較正劇少少，呢套就係喜劇。」吳大強話：「係唔同，上一次比較嚴肅啲，自己就做校長，今次就講自己追夢，反映我參加《中年好聲音》，代入感會強好多，所以係好特別，又真又假之中，覺得好夢幻咁，喺戲入面會唱歌。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】