許廷鏗有巨腩肥腫似剝完智慧齒 迎戰負評幽默回應：撞正嗰幾日

許廷鏗（Alfred）日前為游學修（NEO）、潘宗孝（ERN9）組成的男團N9推出情歌《牙痛文學》MV飾演牙醫，雖然牙醫係Alfred本業，但今次係佢首次於鏡頭前飾演牙醫，着上醫生白袍嘅佢即刻成個味道出晒嚟，不過就有唔少網民錯晒重點，淨係睇到Alfred脹爆身形。

同場加映： 怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

Alfred今次唔唱歌淨係專注做MV男主角，MV中佢同《校花校草》亞軍王紫影（Shadow）好多對手戲。情節講述Shadow有蛀牙去睇牙醫，不過就一直因為驚冇去徹底解決問題，而佢第一次睇牙醫時仲流眼淚，似乎有其他煩惱。之後Alfred就喺佢每次睇牙醫時送一粒糖畀佢，二人開始產生感情。之後有一次Shadow突擊去到診所，發現Alfred同其他女仔睇牙，就崩潰大鬧Alfred，劇情非常跳脫……

{{hket:inline-image name="WhatsA.jpeg"}}{{/hket:inline-image}}

不過唔少人都將重點擺喺Alfred外形上，片中佢無時無刻都chok緊靚仔樣，都睇到係靚仔嘅，不過就比較腫同闊。另外，Alfred平時都襯衫襯到絕，片中因為「職業需要」着上恤衫西褲，剪裁唔係太鬆身下，成個肚腩飛咗出嚟，仲有少少肥仔胸。

網民留言話Alfred做到入形入格，留言：「好似醫生！因為我無論睇中醫定西醫、後生定上咗年紀，唔知係工作太忙定點，都有大肚腩，脹脹地！」、「塊面腫到咁，剝完智慧齒？」、「嘩！塊面打咗發水針？」、「搞咩塊面咁脹。」、「許生肥咗好多，可唔可以減減佢。」又另外，唔知係咪因為「試當真」一貫搞笑風格，認真拍無聊嘢，有人覺得劇情好跳掣：「吓？ 自己男朋友做牙醫，唔通唔可以接女病人做客？唔畀人同女人剝牙？唔係咁攞戲嚟做嘛？」

不過見慣世面嘅Alfred就已經唔係太介意呢類負評，仲幽默自嘲回應：「咁啱撞正嗰幾日，係腫啲同脹啲㗎喇。」又repost佢公司post佢另一張面尖尖嘅相，表示：「過咗嗰個Period就會瘦番㗎喇。」

圖片來源：影片截圖