2023香港小姐︳莊子璇樂認MK公然預告會走堂 王怡然父走數被斥住得豪拒回應

應屆港姐亞軍兼最上鏡小姐得主王怡然，可謂負面新聞不斷。早前被爆父母疑欠債走佬，又被指是「雙面人」批評香港餐廳的服務差，及「借」朋友上港姐特備節目，最新又被苦主爆王父欠債仍租3萬元的單位給女兒。

同場加映：怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

{{hket:inline-image name="DSC_5679.JPG"}}{{/hket:inline-image}}

{{hket:inline-image name="6.JPG"}}{{/hket:inline-image}}

王怡然（Lynn）日前曾缺席港姐領獎，今日（6日）終於要見人，聯同冠軍莊子璇、季軍王敏慈及友誼小姐姜依宁，出席於將軍澳及尖沙咀舉行的贊助商活動。王怡然明顯不在狀態，在台上只是勉強擠出笑容，亦似乎為避開回應負面新聞，表明活動後不接受訪問。不過台上她仍有回答司儀問題，當談到獲得最上鏡小姐的心得時，她表示：「決賽當晚只係瞓咗四個鐘，可能其他佳麗無瞓過，所以我相對之下瞓多咗。」

2023香港小姐｜王怡然被踢爆「借朋友」充撐場面 王敏慈借出閨密網民讚有義氣【下一頁】

莊子璇（Hilary）、王敏慈（Lovelle）和姜依宁活動後受訪，話題自不然扯到Lynn身上，問到有否安慰對方時，莊子璇說：「佢自己應該handle到。（自己有負面報道又點面對？）我又唔覺得係負面報道，我覺得都好正常。（畀網民批評樣同身材有冇嬲？）冇，每一年都有呢啲嘢。（覺得個鼻有冇問題？）五官唔會完美，呢個世界上都冇人完美，做好自己就最重要。（仲被網民批評打扮MK？）MK都係一個好事，香港嘅文化嚟㗎嘛，正宗嘅MK都唔錯。（覺得自己品味點？）覺得係年輕一代鍾意着嘅嘢，自己都唔希望comment影響到我。」

開學日丨港姐莊子璇王敏慈當選後繼續學業 星級父母仔女開學慶祝「甩難」【下一頁】

提到王敏慈「借」朋友給Lynn上港姐特備節目，王敏慈表示：「係我嘅朋友，因為嗰陣時我同佢屋企人冇嚟，所以就畀咗佢。（點解你朋友會做咗佢朋友？）佢哋係喺網上識，都有見過，但因工作人員嗰時急，佢好似冇屋企人嚟到……大家都識嘅，就係呢段參選時間識，算係介紹佢識……而家年輕人好快熟。」

（↓點擊放大睇圖片↓）

此外，莊子璇和王敏慈履行港姐職責同時又要兼顧學業，莊子璇目前修讀港大最後一年營養學課程，更要走堂出席活動，自爆今日走一堂、明日更要走三堂，但就不擔心未能畢業，笑言希望公司安排一個關於營養學的綜藝節目給她實習。而王敏慈昨晚才從北京返港，未來更會中港兩邊飛，有工作才會回來，仍有三年才畢業。

採訪︰Pauline

攝影︰林良明

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】