吳雨霏帶子女出國家傭visa出問題 與老公二打三勁徬徨老爺神幫手

吳雨霏（Kary）與初戀男友，有網球王子之稱的洪立熙（Brian）相戀8年，並於2015年在美國註冊結婚，婚後四年抱三，育有一子兩女，非常幸福。Kary近年主力照顧家庭淡出幕前，不時喺社交平台分享佢嘅溫馨家庭生活。日前佢就特登出post多謝老爺，唔少人都話好羨慕佢有老公以外嘅「神隊友」。

同場加映：

怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

Kary post咗同老公以及老爺奶奶double date嘅合照，一家去食fine dining，原來Kary之前同老公爭啲喺冇工人姐姐情況下同三個小朋友出埠，稱︰「暑假plan咗喺溫哥華四個禮拜，本來工人姐姐可以一齊黎，但臨走前兩個禮拜突然間攞唔到visa...最後我同老公頂硬上，就二打三去咗加拿大。」

{{hket:inline-image name="352429778_1019184659444726_1595736667652780018_n.jpg"}}{{/hket:inline-image}}

有小朋友嘅都知，湊仔真係唔係講咁簡單，一對一已經心力交瘁，而家仲要一對一點五個，都咪話唔驚。好彩Kary老爺非常熟手亦好樂意幫手，Kary好感激對方，「雖然三個小朋友非常聽話，但頭個幾日大家都要適應時差，還有一大堆家務要處理時，真係攰到一個點...本應老爺喺加拿大先同我地會合，當知道我哋需要幫助，二話不說就話同我哋一齊住。佢唔單止幫手照顧大嗰兩個，成日同佢地玩遊戲，日日仲幫BB煮埋嘢食，等我同老公可以透下氣...簡直係救星！深深體會到係最徬徨的時候，家人永遠係最可靠（感動ing）...」

Kary老爺都好可愛咁留言回覆佢「真的很好吃！謝謝你的邀請」。唔少網民都大表羨慕，有一個好隊友老公同老爺奶奶先係真正嘅「嫁得好」，留言：「好難得有咁幫到手嘅老爺奶奶。」、「家有一老如有一寶，最緊要大家相處融洽」、「幸福到一個點」、「除咗幸福，都係幸福，好幸福」、「幸福女人真係有樣睇，越來越靚」。

撰文︰娛樂組

圖片來源：Instagram