何廣沛與美女PR穩定交往中 3月unfollow朱晨麗黯然默認分手

何廣沛數個月前被發現unfollow咗多年嘅緋聞女友朱晨麗，而二人回應時都將對方「降級」為同事，默認分手。今日就爆出何廣沛有新歡，對象係圈外人，男方就少有大方承認戀情，叫大家畀啲空間佢哋！

同場加映：

陳美齡慨嘆香港教育過時要改革 67歲以父親箴言苦盡甘來享兒孫褔

{{hket:ul-video id="9080"}}{{/hket:ul-video}}

何廣沛疑似新歡叫Sarah Miu，據知自設公關公司同埋美甲店，係事業型女強人一名，何廣沛亦曾出post為女方產品宣傳。何廣沛、Sarah除了互相follow社交平台之外，亦已經打入了對方圈子，圈中朋友都知二人係一對。

{{hket:inline-image name="3652.jpg"}}{{/hket:inline-image}}

去年十一月何廣沛缺席無綫《TVB傳承·狂歡55節目博覽2023》呢個重要節目，有指佢當時就正係同女友到韓國旅遊。另外，Sarah為柴犬開IG帳號，何廣沛都有關注，男方也曾上傳同柴犬嘅合照，而佢冇養寵物，相信正係是Sarah嘅愛寵。

何廣沛在接受訪問時大方認戀情，穩定發展中，多謝各方關心，佢就話對方始終係圈外人，希望各方可以畀啲空間佢哋。

何廣沛入行多年緋聞唔算多，同朱晨麗盛傳因合作劇集《超時空男臣》而戲假情真，拍拖6年之久。二人多次公開否認戀情，但又多次唔小心「洩蜜」，2021年何廣沛接受TVB節目《Mean Talk》訪問時直認同郭子豪一齊整蛋糕畀「好朋友」朱晨麗；又曾被影到拍拖行街、睇戲兼撐枱腳，儼如熱戀中的情侶。不過3月底有網民發現何廣沛IG單方面取消關注「好朋友」朱晨麗，更把女方降格為同事，傳出二人不歡而散，朋友都冇得做呀！

撰文︰娛樂組