玲玲友情報丨麥玲玲爆與老公首約會即睇三級片 食迴轉壽司嫌麻煩嬲到想打人

堪輿學家麥玲玲主持的全新清談節目《玲玲友情報》，後晚（6日）一集主題是「出Pool」，「唔玩風水玩吹水」的玲玲姐請來戀愛教練Angus分享工作上遇到趣事，還找來J2er黃紫恩（Jojo）、胡美貽（Nicole）和蔡景行（行仔）齊齊吹吓愛情水。

同場加映：怨泊｜何超儀欣賞老公直率擔屎唔偷食 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

{{hket:inline-image name="1.jpg"}}{{/hket:inline-image}}

從事愛情配對工作的Angus，經常遇到客人提出騎呢要求，有一次一位在美國矽谷做IT的男士，想找一位樣貌和身材俱值95分的女士做女友，豪氣表示能令對方衣食無憂之餘，每個月更可送上名牌手袋做禮物，玲玲姐聽罷大笑：「抵佢冇女朋友，你唔可以覺得個個人都黐住個價錢牌，講感情架嘛！」

{{hket:inline-image name="3.jpg"}}{{/hket:inline-image}}

Angus又謂曾遇過有男士以「處女」為擇偶條件，主持們聽畢均勁大反應，並好奇Angus如何替女方驗明正身；Angus還爆出該名男士搵處女背後真正原因，玲玲姐和Nicole聽畢大嘆扣晒分，到底係乜？玲玲姐之後亦自爆遇過不少有奇怪擇偶要求的客人：「我有個客話一定要搵個女仔鍾意食餃子，有個女仔就話個男仔一定要返著西裝嘅工。」玲玲姐開心Share完還忍不住警世地感嘆謂：「條件你自己Set啫，但真正遇唔遇到係另一回事。你Set到條件好高時，先望望自己，要求愈高，成功找到心儀對象機會就愈低。」 

{{hket:inline-image name="4.jpg"}}{{/hket:inline-image}}

吹水期間，玲玲姐大爆老公當初擇偶條件亦相當不切實際：「希望將來另一半係超瘦，同埋預佢結婚後肥30%就啱啱好，呢啲就係怕咩就踩咩。」又大爆老公刻意挑選「平民餐廳」作首次約會撐枱腳地點，全因想測試約會女士人品和質素，豈料不但因而一度激到約會對象拂袖離座，玲玲姐亦吃迴轉壽司吃到扯晒火：「好麻煩，食住嘢都要不斷TUN位，嘩！真係想打人，好彩我個人唔現實啫。」自命「魔高一丈」的玲玲姐，又自爆首次跟老公約會節目是睇三級恐怖片，而且老公竟比她更驚青，相當驚爆。

{{hket:inline-image name="5.jpg"}}{{/hket:inline-image}}

節目中，J2er黃紫恩（Jojo）和蔡景行（行仔）更會鬥自揭及被揭單身真相，當中以Jojo最為不堪入目，自覺只是因「要求高」要出Pool無望的Jojo，竟遭工作人員圍插「太麻甩、太嘈、樣衰、成日亂噏、頭大身細、胸唔夠大、太過性感及講嘢太快」，Jojo事後不但大方承認「全部都啱」，更揚言為了要出Pool決定封嘴。Nicole則自爆與另一半撻著主因通常是同樣「瘋癲」：「我做嘢比較癲，咁我有一個係因為賽車，一個係因為夜蒲，然後玩到好癲冇Feel變有Feel。嗰兩個男仔都畀人覺得係癡線佬，咁啲人就覺得我係癡線婆。」

{{hket:inline-image name="6.jpg"}}{{/hket:inline-image}}

撰文：娛樂組

相片：大會提供