手術後返港丨曾志偉自爆若不做手術有機會「無得救」 捲入投資詐騙集團笑指相中人是「韓琛」

電視廣播有限公司總經理曾志偉上月在台灣完成動脈瘤微創手術，正在休養的他，繼傳出離開TVB後，近日網上又瘋傳他已入股緬北詐騙集團，正被香港執法機關調查。志偉即時發聲明否認，並保留尋求法律賠償；而今日下午，志偉從台灣飛抵香港，即在機場會見傳媒。

同場加映：陳美齡慨嘆香港教育過時要改革 67歲以父親箴言苦盡甘來享兒孫褔

{{hket:ul-video id="9080"}}{{/hket:ul-video}}

{{hket:inline-image name="DSC_4779.JPG"}}{{/hket:inline-image}}

志偉今日下午約4時獨自推住行李步出機場接機大堂，無綫娛樂新聞台主播潘盈慧代表向志偉送上一束鮮花，完成手術不久的志偉一臉精神奕奕，他受訪時感謝各界關心，並透露手術詳情，「呢個手術一早預咗去做，係我自己睇咗十幾年嘅一條血管，條血管同普通人唔同，中間脹咗少少，脹太多會危險，呢三、四年疫情冇返去（台灣）做檢查，一檢查發現大咗，就需要去處理。」

{{hket:inline-image name="DSC_4799.JPG"}}{{/hket:inline-image}}

這次手術在肚臍下面的主動脈，志偉感嘆表示：「第一就好彩喺下面，第二好感恩依家嘅醫療無得頂，以前呢個係大手術，依家整兩個窿仔（微創）就搞掂，有三組支架擺咗喺入面。同埋手術好順利，住咗五、六日醫院，前日返咗去做全身檢查，主診醫生非常滿意，樣樣嘢都靚，所以畀我返嚟。（唔做手術會有咩危險？）唔做咪以後唔使做囉，哈哈！好危險㗎，因為唔做有機會穿，一穿就無得救，所以點都要做。我成日諗啲屎橋有冇咩辦法唔使做，但係無得避嘅，必需要做，咨詢過好多醫生朋友，佢哋都話要做。」

{{hket:inline-image name="DSC_4826.JPG"}}{{/hket:inline-image}}

志偉又指現時正式復工，笑言重要的事情會準時返工，不太重要就遲半小時返，而醫生也叮囑他要改善生活習慣，「佢叫我飲少啲酒，早啲瞓覺，見到人有禮貌啲，見到靚女唔好望咁多。（唔可以勞氣？）改吓自己生活習慣囉，我聽話㗎，可以打波，踢波都得，同阿倫（譚詠麟）踢就得，佢無乜腳法，同後生踢就小心啲。」志偉又開心透露完成手術後，身體的血糖和膽固醇都回復正常，「以前血糖同膽固醇都高少少，依家靚仔到不得了，因為生活正常咗好多，11點左右就上床瞓。（仔女好擔心？）都係咁啦，返台灣做手術都係想同家人一齊，順便同家人聚舊。」

{{hket:inline-image name="DSC_4926.JPG"}}{{/hket:inline-image}}

之前有傳志偉將辭職離開TVB，問他可有向下屬派定心丸及有排做？志偉笑稱：「我叫佢哋孭重啲添，我孭番輕啲，叫佢哋幫我諗埋，向我滙報就算喇。啲同事好好嘅，個個都話得喇，我哋搞掂你放心啦，好感恩，好多謝佢哋。（唔會辭職？）畀咗幾封信但掟番轉頭。」

{{hket:inline-image name="DSC_4909.JPG"}}{{/hket:inline-image}}

提到被捲入詐騙集團，問志偉有否被新聞影響？他表示：「做咗幾行幾廿年，我從來唔睇呢啲新聞嘅，但實在太多，尤其係國內朋友傳畀我，我都唔睇㗎，佢哋仲傳埋畀我睇，睇睇吓點會咁㗎？我仲同佢哋開玩笑話唔係我，係韓琛（電影《無間道》角色），係佢先會做呢啲嘢，詐騙集團，我哋最憎呢啲，呃老人家錢。」

採訪：黃寶蓮

攝影：林良明

撰文：娛樂組