颱風蘇拉｜港女無懼打風北上食榴槤放題 網民憂有去無回 中央氣象台：蘇拉於珠海登陸

由於超強颱風蘇拉迫近廣東，深圳昨日（1日）宣布全市下午「五停」（停工、停業、停市、停運、停課），並發佈緊急動員令，要求保障供水供電等。但有港女無懼打風，在本港昨日懸掛8號風球、市民應留在家中等安全地方之際，選擇北上到深圳食榴槤放題。其大膽舉動引來網民擔憂，有人留言表示：「最驚返咗上深圳冇得返落嚟香港！」

同場加映：

Sick問識答｜心臟病發5分鐘內定生死？ 醫生拆解猝死成因+2大急救關鍵

{{hket:ul-video id="9021"}}{{/hket:ul-video}}

該名港女昨日近中午12時於Facebook群組「深圳大灣區國內吃喝玩樂開心分享區」發帖，表示：「八號風球無懼風雨，北上尋歡，皇室假期，任食榴槤放題。」

從相片可見，事主除了食榴槤放題外，還光顧了居酒屋、去焗桑拿，行程十分豐富，完全沒受颱風影響。她更在留言區詢問其他網民：「有無人都係皇室假期？say hi 一起食飯？」

不少網民紛紛好奇詢問榴槤放題的地址、價錢等資料。不過，亦有網民擔心深圳的打風情況，「下午4點停工停市停運啵」、「而家好輕鬆，下午開始五停， 到時你就好徬徨喇！」、「留言等睇五停，直擊報道」、「最驚返咗上深圳冇得返落嚟香港，要喺深圳過夜。到時大風大雨又要搵酒店」、「我比較好奇嘅係講明停工，骨場內會唔會停同埋就算唔停工，個風都有機會搞到停電停水」、「上次八號風球都上深圳唱K，但係今次唔同，個風勁好多，停運前一定要返落嚟」、「注意安全！」

對此，事主其後果真圖文直擊深圳打風情況，表示：「統一回覆大家，知道依家5:30，按摩店唔關門、餐廳唔關︴唱k無關、salon（髮型屋）乜都開，7點之後都開，我已經出左去視察環境啦！」

蘇拉於珠海登陸 深圳解除「五停」措施

據了解，深圳昨日下午在全市範圍內實行「五停」，其中於下午4時起停工、停業、停市，晚上7時起停運，昨日下午已開始停課。除搶險人員和民生保障人員外，其他人員切勿隨意外出。全市開放全部避險場所，供群眾避風避險。

中央氣象台今日（2日）凌晨表示，蘇拉凌晨大約3時半在廣東珠海南部沿海登陸，登陸時中心附近最大風力達到14級。

深圳市防汛防旱防風指揮部亦於今早表示，蘇拉強度逐漸減弱並遠離深圳市，深圳市氣象台於9月2日8時15分將颱風紅色預警信號降級。經市委、市政府研究決定，深圳市於早上8時15分同步在全市範圍內解除「五停」措施。

U Lifestyle App睇盡《晴報》新聞資訊及自家節目

↓↓同步更新、更快更順↓↓

【免費下載】

每朝索取《晴報》：精明生活．健康家庭．開心娛樂