李玟30年髮型師閨密公開廿秒錄音 內容窩心斷言好姊妹不可能輕生

李玟逝世接近兩個月，至今死因仍然未明，更餘波不斷。除了李玟老公Bruce被粉絲追罵外，又爆出佢哭訴《中國好聲音》黑幕嘅錄音以及片段。昨日台灣變性藝人利菁又喺開直播期間播出李玟生前send畀閨密嘅一段窩心錄音；隨後又有人喺網上爆出李玟同友人訴苦嘅聲帶，反映李玟生前喺痛苦同充滿希望之間煎熬，令人非常心酸。

同場加映： 全民造星V｜Lyman亨仔靠積蓄追夢望演戲 KC落力搵人投資搞VR跳舞騷

{{hket:ul-video id="9019"}}{{/hket:ul-video}}

藝人利菁29號晚開直播，佢表示自己同李玟係多年朋友，同甄妮私下感情相當好；另外三人都認識同一位髮型師，髮型師同李玟認識咗30年，李玟逝世前兩天曾send語音訊息畀呢位閨密，閨密覺得李玟不可能輕生。

{{hket:inline-image name="Wh.jpeg"}}{{/hket:inline-image}}

利菁表示而家公開呢個錄音，係因為《中國好聲音》令到大家見到李玟狼狽生氣一面，希望大家聽完呢個錄音可以記得李玟「甜」嘅一面。錄音中李玟回應閨密嘅關心訊息：「謝謝你，腿走路有進步，現在就是左腿八成都是麻痺的，所以這過程要再熬一下，還在努力當中，希望你一切都好，非常非常想你喔，謝謝你的訊息。」

另外利菁指李玟生前曾因為感情問題去見一位「仙姑」（靈媒），其中一次李玟老公Bruce都有同行。利菁指李玟過世後，仙姑講咗三件事情：「第一件事情就是我沒有輕生，第二件事情就是不要再消費我（李玟）跟Bruce，第三件事情是說不要拜我素的菜。」不過當中真確性都係無從稽考。

不久之前，有人匿名喺網上爆出李玟一段表現得非常痛苦嘅錄音，就算自己辛苦都唔想畀到負能量身邊嘅人，聽到都覺得心痛，內容如下：「Hello 親愛的，如果你現在有空，我起來了，你可以打給我嗎？我的腿，我的腿好難受啊，不是跟你分享負面的東西哦，就是太難受，睡也不行，坐也不行，走也不行啊，現在好嚴重哦，反正你可有空打給我？」

圖片來源：Facebook