Edan@MIRROR罕有以千字文反擊Haters指控 「唔認同做藝人就要啞忍同硬食」

MIRROR呂爵安（Edan）的第一次個人演唱會於周日（27日）圓滿結束，他在演唱會中的Talk Show環節化身E.D. Lui，教授「偶像天書」引起不少討論。翌日隨即收到某網友send訊息批評他，指他唔夠歌，靠恥笑隊友博見報，同時「恭喜」他完成一次最多負評的演唱會等等；當事人亦有以演唱會中提及的3句金句反擊︰分別是「感恩感恩」、「應該可以嘅，但我要問經理人先」及「呢條係一條好好嘅問題」。

同場加映：

全民造星V｜Lyman亨仔靠積蓄追夢望演戲 KC落力搵人投資搞VR跳舞騷

{{hket:ul-video id="9019"}}{{/hket:ul-video}}

之不過，Edan在IG限時動態上載與網民對話的截圖的做法，又被人批評小家，有公審之嫌。事主昨日在IG以千字文反擊，「好啦！本身諗住開Live先講，見有人開始擔心我冇PR，覺得我係嬲豬，覺得我個人唔humble，我惟有早啲同大家分享一下我嘅諗法同目的啦（白紙黑字寫低都好嘅）...」

{{hket:inline-image name="369647879_18382383541021802_3598421109240113742_n.jpg"}}{{/hket:inline-image}}

Edan指自己一向接受別人理性而坦白嘅意見，「好唔好睇，好唔好聽，好唔好笑，完全係base on個人喜好，鹹魚青菜，各有所好，唔鍾意係完全冇問題，我亦都好樂意接受。如果係直接msg我一啲人身攻擊，完全扭曲我原意嘅嘢，我就真係想講句『有心啦』！」

唔好理會Haters？Edan話藝人都有感受。「其實個個都識咁講，我可以分享一個比喻畀大家feel一下其實係咩感受。『你畀人好大力打咗一巴落塊面，然後身邊嘅人同你講︰『算啦...由佢啦！』喂大佬！我塊面仲痛緊㗎喎！點無視？藝人都係人，藝人都會有感受，個世界好似禁止咗藝人有感受/表達感受。」

{{hket:inline-image name="369600691_18381956734021802_7334618870564116209_n.jpg"}}{{/hket:inline-image}}

有人指Edan po與網民對話好「小家」，他表示只想讓大眾知道，做偶像做藝人每日會suffer啲乜嘢，「好多人就係藉住『偶像、藝人係唔應該反擊』呢條規則而為所欲為。而好多artist都因為呢條『潛規則』而選擇啞忍，殊不知內心已經千瘡百孔！甚至有情緒病...」

{{hket:inline-image name="369634344_18382331278021802_8679363782483606922_n.jpg"}}{{/hket:inline-image}}

Edan表示自己心臟算強大，情緒都算比大部分人穩定。「但當我發現連我都會被呢啲嘢牽動情緒嘅時候，我想嘗試去做少少嘢，想嘗試去改變少少嘢。我唔認同做藝人就要啞忍就要硬食，我相信只要你唔係發脾氣，你有道理，你有禮貌地表達，總有明白事理嘅人係會明白你，係會支持你。」

他希望Haters將心比己，「你哋做緊嘅嘢，係同樣地有人會對你偶像咁樣做，而佢哋亦都會受困擾，我相信你哋都唔會想佢哋suffer。所以，己所不欲，勿施於人。希望大家可以將心比己，其實無仇無怨，冇必要製造咁多負面嘅情緒，呢啲完全係vicious cycle。」

Edan這篇千字文目的，是想大家做人relax啲，「同埋想話畀大家知，所有人只係一個普通人。呢一年發覺，做人要經常開心，事事順利身體健康其實一啲都唔容易，每日都有好多不幸嘅事情發生，好多人都過得好『苦』。不如真係試吓放鬆啲，嘗試欣賞多啲or用另一個角度去睇嘢，可能大家都會開心啲。唔鍾意咪唔好睇囉，但冇必要傷害人，right？」多謝E.D. Lui！

Edan呂爵安跳舞興奮爆軑怕孖煙卤穿崩 爸爸首次到場欣賞演出：好感動【下一頁】

撰文：娛樂組

圖片：Edan IG