藍奕邦3場巡唱香港站圓滿結束 預告下站北美洲：好快再見

藍奕邦一連三晚《SNUG IN MY ARMS》巡迴演唱會香港站日前（27日）舉行尾場，表演嘉賓有顧定軒，及香港出生，從美國回港的氣質唱作人cehryl。阿邦先後唱出《你倫敦我紐約》、《妖治時代》及《孔雀開屏》、《Cocktail》等多首作品，全場樂迷反應熱烈。他兩度上台安歌，為個唱畫上完美句號。

同場加映：

全民造星V｜Lyman亨仔靠積蓄追夢望演戲 KC落力搵人投資搞VR跳舞騷

{{hket:ul-video id="9019"}}{{/hket:ul-video}}

{{hket:inline-image name="NewProject08291002.jpg"}}{{/hket:inline-image}}

{{hket:inline-image name="NewProject08291006.jpg"}}{{/hket:inline-image}}

阿邦相隔9年再開騷，這次場地對他別具意義，他說：「好開心可以返嚟藝穗會做騷，Fringe Club係我仲未出唱片，仲未簽公司，仲係有份day job嗰陣，就嚟唱歌嘅地方，嗰時得2、3個人聽，仲係我啲朋友嚟。廿幾年前，我喺呢度表演嗰陣真係乜都冇，而家可以再返嚟，仲有人睇，仲多咗好多歌，我冇浪費呢廿幾年。」

藍奕邦為散落各地移民朋友送歌 自立門戶規劃50歲後退居幕後【下一頁】

當自彈自唱Taylor Swift的《Anti-hero》，阿邦分享個人感受，「過去呢3年疫情時間，多咗好多時間同自己相處，我嘅方法就係飲酒『自隊』，咁唔係好健康，因為你會覺得個世界咩衰嘢都關你事，所以好多謝Taylor Swift寫咗呢首歌。」他又笑指曾經創作不少「憂鬱文青系」及「怨婦系」音樂，但為了塑造積極光鮮的形象，反而把情緒抑壓下來，「嗰時我食嗰啲精神科藥物，兩個月肥咗40磅，成屋褲都着唔到，尤其嗰時我好想自己好靚仔。今次出返嚟，我好希望大家知道唔一定要完美嘅，可能大家都有嘢療癒緊，關關難過關關過，我之前都無諗過可以出返嚟唱㗎，所以其實OK㗎。」

（↓點擊放大睇圖片↓）

阿邦在安歌部分時預告巡唱會去其他地方舉行，「我會好唔捨得今晚呢個騷，呢三晚我做得好開心。開騷前，不止一個人同我講，可能今次係最後一次喺香港睇我啦，我都有啲難受，好彩疫情完開番關，咁嚟緊呢個騷都會先去北美洲，之後再有其他站。我哋一定會好快好快再見，無論你係香港定外地，我都祝福你生活安好。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】