沈殿霞囑咐女兒向容祖兒學習 鄭欣宜「缺席」贈花籃意味深長

鄭欣宜（Joyce）潛水數月，身心健康狀況備受外界關注，雖然未喺公開場合出現，但早前佢朋友喺社交平台上傳咗一段欣宜自彈自唱嘅影片，歌曲內容正面，似乎係同fans講唔使擔心。日前容祖兒開騷，鄭欣宜雖然冇現身，亦送上花籃，祝賀意味深長，令人感動。

同場加映：

破毒強人｜郭柏妍嘆追求者約睇戲後冇下文 唔急破「A0」羨慕丁子朗身邊多靚女

{{hket:ul-video id="9008"}}{{/hket:ul-video}}

Joyce喺花籃卡片上留言，講出一段心底話：「恭喜你GOOD咗好多場ANOTHERSIDE。記得出人生第一張碟時，簽咗張送畀祖祖你，嗰時寫話細個時媽媽話：『大個咗一定要學祖兒姐姐咁勤力。』到而家我都仲學緊！好想好想好想可以親自嚟睇，可惜錯過了今次機會，唔緊要，惟有等下一次！LOVE ALWAYS, JOYCE（欣宜）」。

{{hket:inline-image name="VCG111100325906.jpg"}}{{/hket:inline-image}}

當中Joyce提到自己好想去腸show但又去唔到，令人擔心。而祖兒都有IG多謝Joyce並為佢打氣：「Thank u my sweetheart. 慢慢來，我哋等你。」唔少網民都留言為二人加油：「support欣宜」、「你哋都係好善良好warm嘅人，都要加油」。

沈殿霞（肥姐）2008年2月病逝，終年62歲。肥姐生前留下巨額遺產並且立下遺囑，遺囑要求女兒Joyce必須在35歲之後先可以動用遺產，肥姐希望佢能夠做個有用嘅人。佢35歲前每個月可領取2萬元生活費，戶口也曾經只剩下26元，最後憑自己的努力熬過難關。

Joyce不負母親期望，憑實力於2021年獲得「叱咤樂壇女歌手金獎」和「叱咤樂壇我最喜愛的女歌手」大獎，唱功備受肯定。不過就喺滿35歲不到一年，佢突然神隱，一度傳出死訊。6月中旬，其經理人林珊珊澄清，Joyce確係患病並正在療傷，外界猜測佢患情緒病，正在搏鬥中。

撰文︰娛樂組