2023香港小姐競選決賽︳得獎佳麗起哄齊聲話打邊爐慶功 莊子璇受訪時反應明顯格格不入...

新一屆港姐昨晚（27日）順利誕生，各獎項得主分別是冠軍莊子璇，亞軍兼最上鏡小姐王怡然，季軍王敏慈及友誼小姐姜依宁。賽果可謂塵埃落定，一眾佳麗賽後即放鬆下來，顯露出真性情，有網友發現四位得獎佳麗接受大會訪問時，莊子璇明顯同其餘三人格格不入，主持人先後用廣東話及國語做訪問，當追問比賽後第一件事想做甚麼，姜依宁就叫大家一齊講「打邊爐」，惟獨莊子璇沒有反應，同大家零默契之餘，疑似冇受邀出席慶祝活動。

同場加映：破毒強人｜郭柏妍嘆追求者約睇戲後冇下文 唔急破「A0」羨慕丁子朗身邊多靚女

{{hket:ul-video id="9008"}}{{/hket:ul-video}}

{{hket:inline-image name="08281001.jpg"}}{{/hket:inline-image}}

{{hket:inline-image name="ffca408d-1b4f-4178-abc0-5849895202af.jpg"}}{{/hket:inline-image}}

姜依宁在鏡頭前表示：「我哋已經夾好喺邊間餐廳食嘢。」似乎一班佳麗已約好晒。莊子璇笑言一陣想大擦一頓，現時肚餓到「咕咕叫」，好想一陣食肉；王怡然就想食肉，王敏慈稱除了食更想瞓覺。賽後有傳媒繼續追訪莊子璇，發現她乘坐公司保母車直接返回深井屋企，真的沒有跟佳麗慶祝，但她入屋前也有回答記者問題，透露會請佳麗食飯。

2023香港小姐競選決賽丨「投訴王」陳怡名落選後全程黑面 Ending祝賀撓晒手被網友封工藤2.0【下一頁】

對於莊子璇在鏡頭的表現，有網民表示：「15號（即冠軍莊子璇）好似同佢哋唔太熟！」有另一位網友在另一個po抵死話：「莊子會雙王！解：口和心不和⋯⋯，是非多。」難怪早前傳過莊子璇在佳麗面前扮大牌，佳麗們感到不滿，於是群起杯葛莊子璇。當日莊子璇在活動上曾回應傳媒，她表示跟一部分的佳麗沒有相處問題，尤其是鄧凱文、郭珮文，「不過一定有friend有唔friend，我感覺唔到有人唔鍾意我。」

2023香港小姐競選決賽丨莊子璇淡定對答大熱奪冠 王怡然王敏慈分別奪得亞季軍【下一頁】

冠軍莊子璇賽後被問到表現由頭帶到尾時，她說：「唔好咁講，都係多謝大家支持，真心多謝大家支持。（宣布一刻有冇諗過會輸？）因為佢哋兩個都好勁，答得淡定又自然，所以個心噗噗咁跳啦。（擔心負面報道影響評審畀分？）其實上次同評審傾偈都話咗佢哋唔睇新聞，佢哋都有慧眼邊個適合香港小姐嘅人。（網民認為鼻樑化妝出事？）咁呀，下次化好啲囉，我哋冇照鏡，因為成程都好趕。（今晚點慶祝？）佢哋話冇得慶祝，要直踩工作。」

（↓點擊放大睇圖片↓）

亞軍王怡然同季軍王敏慈因為廣東話不好，被網民質疑二人不是真正的香港小姐。王怡然說：「其實都好驚訝香港有好多網友PM支持我、鼓勵我，話只要我努力會睇到我嘅進步，真係開心。」王敏慈則言：「如果廣東話唔好，我哋就繼續努力，唔覺得呢個係一個大事情，因為語言呢樣嘢係可以學習，我同佢開始時係廣東話好差，而家講嘢覺得係OK，大家都可以聽得明。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】