飲菌落肚｜港男肚痛請病假 驚揭一直飲抽濕機水 媽媽2大原因反駁「唔污糟」

在天氣潮濕日子，不少家庭都會開抽濕機，但切記不要重用抽出來的水。一名港男日前在網上討論區發文，指媽媽日前購買濾水機回家，直到自己一天早上因肚痛請病假留家，才驚揭母親竟將抽濕機內的水倒入濾水機中，令他大為崩潰。有醫生曾警告，抽濕機運作越久，含菌量越高，故此建議積水最好不要重用。

同場加映︰

Healthy Life｜打工仔打字越坐越寒背？ 5個簡單動作放鬆肩膊手指

{{hket:ul-video id="9003"}}{{/hket:ul-video}}

該名港男上周五（25日）在網上討論區「連登」發文，指上幾個星期母親買了一個濾水機回家，令他好奇「點解佢（母親）會使呢啲錢落健康度」。他表示，自己的工作一向需要早睡早起，故從未留意母親如何入水；直至日前因肚痛請假留家，竟驚見崩潰一幕，

「起身屙屎就見到佢拎抽濕機個箱倒落去濾水機到。」

事主表示當時非常震驚，「嗰吓我真係忍唔住尖叫，因為無言到講唔到嘢」。隨後，他向母親直斥抽濕機抽出來的水污糟，但對方卻指「抽返嚟水無雜質」；事主反駁「個箱放地下，又無洗過」，惟對方回應「濾水機就係咁用」、「濾水機殺菌」。事主無法反駁，指當時自己「喊住咁出門口」，「紙巾都唔記得帶只可以係大商場屙住過我sick leave（病假），XX真係唔好生仔。」

對此，不少網民紛紛留言，表示對事主母親的行徑感到驚訝，「講真，淋花沖廁咪算。邊可能用來清潔甚至乎飲用」、「幾個星期先肚痛都好勁啦」：

醫生︰抽濕機積水不建議重用

台灣藝人丫頭（詹子晴）曾經為了慳錢，有4年的時間將抽濕機抽出來的水烹煮飲用，及後回想當時的慳錢方法並不衛生，呼籲大家不要模仿。

本港皮膚科專科醫生陳厚毅曾指出，抽濕機積水一般不建議重用，如希望重用以達至慳水，最多只能用於沖廁。他指抽濕機積水經儲存一段時間後，容易滋生細菌和真菌，用於拖地便會把細菌帶到地板，再經地板傳到皮膚，如患有濕疹或皮膚有損傷人士更容易受感染。

陳厚毅指，抽濕機積水含菌量視乎儲放了多長時間，抽濕機運作越久，含菌便越多。如抽濕機長時間沒有清潔，積聚細菌會更多；如積水長時間未有清走，亦會滋生霉菌蚊蟲。

嚴重可致肺炎

對於有人選擇將抽濕機積水用作澆花，陳厚毅指人們仍有機會吸入水分而引發肺炎，長期病患者、哮喘病、抵抗力差人士、長者和小朋友要特別小心。他建議從健康角度而言，抽濕機積水最好不要重用，更不宜用來拖地和洗碗，如要響應環保，只能用來沖廁。

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂