Moving超異能族丨李正河可愛肥仔look勁似姜濤 為角色增重64磅再靠運動減肥成功

《Moving 超異能族》改編自同名人氣網漫，由李正河、高允貞、金度勳、柳承龍、韓孝周、趙寅成、車太鉉等主演；新世代演員李正河、高允貞、金度勳飾演高中生毫無違和感，分別扮演年輕一代異能人角色金奉晳、張喜秀、李強勳，各條故事線鋪排完整，有口皆碑，再加上超強卡士，係今年必追韓劇。

扮演趙寅成及韓孝周兒子嘅李正河，擁有肥嘟嘟身材，繼承父母五種感官同飛行能力，但因為不能自由控制超能力，韓孝周就要佢食多啲用體重壓制飛行能力。李正河在劇中以啤酒肚登場，肥仔形象十分可愛，同姜濤非常相似，就算肥都係咁靚仔。

{{hket:inline-image name="367702778_293434880043362_1567665892715437524_n.png"}}{{/hket:inline-image}}

由於該劇拍攝期長約一年，李正河也維持了一年肥仔體重，透露因為可以大吃特吃，即使肥64磅都非常幸福：「在開拍前有兩個月的準備期，不斷努力增重，過程中吃了非常多的東西，尤其是拉麵，各種種類都吃，而且我非常享受吃美食。另外開始拍戲後，必須一直吃炸豬排，我感覺到自己身形真的越來越像奉皙（劇中角色），所以我也吃得很開心。觀眾會隨著集數，我看起來越來越胖。」李正河都表示變肥後變遲鈍，感覺唔到身體痛：「本來很擅長跑步，自認體力很好，拍戲時跑一點就出汗，也變得容易疲倦，就算天氣不熱，我都感覺到熱。」

最近李正河瘦身成功，而佢原本體重係60頭，如今距離原體重只差5公斤。他表示：「雖然還沒有完全減下來，但正持續努力透過有氧運動和其他健身運動減肥，同時也會搭配交替飲食，目前只差幾公斤，很快就能回到原本的體態。」敬業嘅他表示唔覺得減肥辛苦：「我因為這部劇得到了很多愛，而且看自己的樣子符合角色也感到開心，我會更努力透過運動減肥，盡快讓自己回到原貌。」

撰文︰娛樂組

圖片來源︰Instgram