2023香港小姐競選決賽丨「投訴王」陳怡名落選後全程黑面 Ending祝賀撓晒手被網友封工藤2.0

《2023香港小姐競選決賽》昨晚圓滿結束，除了恭賀三甲莊子璇、王怡然及王敏慈（Lovelle）之外，觀眾的討論焦點都落在落選港姐陳怡名身上。陳怡名過往有不少是非，除了公開彈TVB攝影師的攝影技巧之外，又不時跟網友隔空開火，非常火爆。昨晚一眾落選佳麗再次出場時，她黑面失去笑容，連最後祝賀三甲的環節，也竟然黑面撓晒手，意外地搶鏡，成為焦點。

同場加映：

全民造星V｜Lyman亨仔靠積蓄追夢望演戲 KC落力搵人投資搞VR跳舞騷

{{hket:ul-video id="9019"}}{{/hket:ul-video}}

應屆港姐丨陳怡名留言寸爆大會攝影師影得差 跟網友隔空罵戰TVB刪留言平息【下一頁】

{{hket:inline-image name="DSC_2143.JPG"}}{{/hket:inline-image}}

{{hket:inline-image name="13.jpg"}}{{/hket:inline-image}}

陳怡名於壓軸環節再次出場，本是佳麗們回顧參賽過程的溫馨場面，不過她全程黑面意外成為焦點，跟只差一個號碼的莊子璇明顯隔開一定的距離。網友想起2018年的「黑面港姐」工藤佑采，甚至封她為「工藤2.0」。陳怡名完全擠不出半點笑容，連三甲誕生後，一眾佳麗上前祝賀時，她竟然黑面撓手入鏡；同時現場環境混亂，未能睇清楚她是否有祝賀的冠軍莊子璇。

陳怡名事後在IG激動說：「我黑臉不是因為自己沒進十強，我早知道自己不會進，再給我一次機會，我的臉會更黑」、「終於結束，可以做自己了，蠻荒唐的一件事，改天來個有問必答」、「現在這是我自己的IG，不再是MISSHK NO.14，別來惹我。鏡頭前、報道裡的東西，是真是假，自己判斷，別來我這裡找罵」等等，她又分享一張捧花的自拍照，笑番晒！

陳怡名接受訪問，她的回應似乎都幾明顯不服莊子璇封冠軍，稱：「有啲失望，因為我覺得好perfect嘅好朋友攞唔到獎，又有好朋友唔係我想佢攞嘅獎，佢哋係5號梁倩淇（Debbie）同埋17號Lovelle，Lovelle係Number One嘅，Debbie係冇咩缺點，但係第一輪就foul咗有啲失望。（自己呢？）我唔係入十強，我自己冇事，係我朋友有少少失望。（邊個環節表現差？）完全冇，因為我表現出最好一面，頭先我估到第二part會foul咗，當咗今晚係一個騷去做，我係好鍾意跳舞，能夠上台好開心，加上今晚廣東話講到我最好嘅狀態。（就係輸喺廣東話唔好？）一定有呢個原因，我盡咗力，呢個係我無法改變，已經學咗兩個月，然後在舞台上面對咁多人，已經講到最完美嘅狀態。（三甲係心水？）我覺得Lovelle唔係第三名囉！佢係Number One。但係Lynn 4號王怡然得獎都開心，我猜到她會攞『最上鏡小姐』，她拿到亞軍我開心，因為我們三個關係很好，每天都在一起，所以有點失望，也有點驚喜在。」她透露會繼續留港發展，在辦公室工作，有機會都會入娛樂圈發展。

{{hket:inline-image name="367441482_343986201285294_4023711316696831005_n.jpg"}}{{/hket:inline-image}}

港姐泳裝丨陳怡名遭網民粗口問候感不快 擔心負評影響參選【下一頁】

雖然莊子璇是大熱之一，不過網友戥10號陳霈錤、9號潘明璇、16號郭珮文唔抵，認為陳霈錤擁有美貌之餘，在問答環節對答大方得體，絕對有機會打入三甲。陳霈錤事後接受訪問，她表示：「自己入到五強已經好開心，同埋聽到台下有啲人支持10號，覺得好enjoy同好開心，有咁多人支持我，當時覺得好足夠。（即係冇失望？）冇嘅，冇失望，能夠踏上呢個舞台，騷到自己靚嘅一面，真係好足夠，都唔會諗咁多！」而16號郭珮文認為自己笑容不夠成為失落獎項的致命傷，「有少少緊張，特別係問題環節，驚自己出錯…呢幾個月都學到好多嘢，（以後會笑多啲？）好呀！我會聽你哋意見，會多啲笑。（會喺呢行發展？）暫時未傾到呢方面，如果有機會都想嘗試吓。」

{{hket:inline-image name="10_600.jpg"}}{{/hket:inline-image}}

{{hket:inline-image name="15_600.jpg"}}{{/hket:inline-image}}

至於潘明璇坦言，早前擔心負面新聞影響賽果，幸好最終入到十強，非常開心，「我覺得我哋母語唔係中文，係講英文多啲，唔知係咪呢方面係爭少少？（受之前新聞影響？）感覺上有少少。」

{{hket:inline-image name="09_600.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組