舊日的足跡丨葉童心痛張國榮轉牛角尖輕生 60歲無懼變老：我要老得優雅有修養

葉童近日接受車淑梅港台節目《舊日的足跡》的訪問，最近在電影《我愛你》中扮演婆仔而引起一時熱話。她笑指角色是老拍檔梁家輝推薦的，起初與導演視像會面被指外型過於時尚，直至拍攝現場導演直指一位老太婆大呼適合，結果引來全場大笑：「嗰個咪係葉童囉！」

同場加映：寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

《我愛你！》慈善首映丨梁家輝大女出嫁兩個月 爆細女就快嫁：希望盡快抱孫【下一頁】

{{hket:inline-image name="JH.jpg"}}{{/hket:inline-image}}

在電影中，葉童跟多年後再和梁家輝合作，葉童感覺他放鬆了。「唔係話佢塊面鬆，係佢成個人！我哋就好似屋企人咁熟悉，會互相提點，好開心。紅姐惠英紅好專業，係真正嘅阿姐。佢好喜歡照顧大家，仲煲湯畀我哋飲。拍攝嗰陣正值疫情，佢將啲湯分開畀我哋每人一壺。電影入面，我哋四個（加上倪大紅）都係影帝、影后，唔會爭戲份，係演技大比拼！導演深受香港文化影響，電影主題曲係許冠傑和陳秋霞嘅《我愛你》，版權費好貴，唔止要畀香港唱片版權，仲要去美國買原裝正版皮禮士利嘅版權，佢真係好有心。」

葉童回想跟張國榮結下電影緣：「40年前，我拍第一套電影《烈火青春》，同哥哥（張國榮）有床上戲，諗番起都覺得開心。後來我哋去法國拍《偶然》。最難忘嗰日佢敲我房門，話買咗兩件飾物適合我，要我先揀一件，剩番嗰件再送畀人。佢好細心，我一直留住件飾物，真係好珍貴。佢走咗20年，我一直唔想記住，因為我唔覺得佢應該咁樣離開。我諗佢如果唔係鑽牛角尖太深，可能今日我哋仲好開心喺埋一齊。人最重要係思想，思想係可以控制同調整，將負面能量減到最低，基本上咩都做到，我哋係無敵。」

入行39年｜58歲葉童銀白短髮現剛強女人味 金像獎影后跨界挑戰舞台劇【下一頁】

{{hket:inline-image name="YY.jpg"}}{{/hket:inline-image}}

葉童一直強調感激40年前發掘她的譚家明導演，至於介紹她入行的丈夫呢？「我覺得佢應該多謝我，我將佢照顧得咁好。我哋結婚35年經常分隔兩地，最重要係唔好畀對方太大壓力，硬要將自己嗰套加諸對方身上。拍拖時，大家都會互相遷就，相處耐咗點解同之前唔同？佢唔係變咗，只係做番自己。如果你要一個人改變自己去遷就你，不如你自己死心。要畀對方空間，兩個人喺埋一齊就係開心見面、開心分享。相處要互相尊重，我哋會不會講『我愛你』？我唔會，講多咗就會流於表面，感覺唔夠強烈，間中講先會有嗰種心跳加速嘅感覺。」

葉童拍畢電影後決定放下包袱，追求真我。「我嘗試顛覆大家對女人同靚嘅睇法，反應比我想像中好。我唔擔心人哋睇法，最多都係話我老，但我要老得優雅、有修養，因為我嘅智慧同見識都增長咗。如果你覺得我做番自己唔好，我覺得有問題嘅唔係我。就好似楊紫瓊咁，佢係女性模範，佢好努力，就係唔再局限自己……我唔會追求第三度成為影后，因為唔係我掌握之中嘅嘢。我追求有目標咁睇多啲書、做多啲運動、有好嘅身體，有追求先會有進步！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組