傳無綫大變天丨曾志偉視像露面許濤否認離職 「我哋最適合帶領TVB繼續改革」

早前TVB總經理曾志偉健康出現問題於台灣做手術，相隔數天再有傳出該公司兩大高層曾志偉，與行政主席許濤將一同離職，TVB今日凌晨兩時火速發放聲明否認。今午召開的記者會，由許濤及總經理（節目內容營運）曾志偉回應事件。記者會於將軍澳電視城辦公室大樓舉行，主席許濤親身出席，曾志偉則以視像形式現身。

同場加映：

寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

曾志偉透過視像見記者，快速交代自己的健康狀況，他指要複診，暫時未能喝酒，再等兩星期左右後先返香港，說︰「有傷口嘅，其實喺血管加支架。血管好似吹玻璃咁脹咗少少，十幾年前已經知，之前年年check睇住（患處），近三、四年冇去台灣check，返嚟一睇大咗好多，擺兩條管落去，等啲血唔好行去嗰度，行新地方。以前係大手術，而家醫學昌明，可以做微創手術。」

{{hket:inline-image name="1.JPG"}}{{/hket:inline-image}}

許濤在記者會上表示：「股東對現有管理團隊非常支持，認為我哋係最適合帶領TVB繼續改革嘅團隊。針對廣泛不實報道，我想澄清，話我同曾志偉先生會離開TVB崗位，完全同事實不乎。任何一間上司公司，關於高級行政人員變動消息，絕對對股價係敏感嘅訊息，而我哋TVB噚日發放咗中期業績，喺媒體上流傳嘅呢啲不實報道，可能會對公司股價有所影響，所以今日要嚴肅處理呢個問題，同公眾交代，按照公司程序將呢件事提交畀相關執法機構。」

許濤被問到如何「穩定軍心」，稱：「第一樣嘢係溝通啦，噚日同九十幾位高級行政人員溝通，講到營運方向策略，當中提到市場上有各種流言；亦都講到股權穩定性啦，主要係股東繼續支持TVB，冇諗過將佢哋手上TVB股份處置，提供更多資金資源支持TVB。」曾志偉講到，看到報道時的想法，「作為一個藝人咩都有人講，牽涉到自己職位，就出嚟澄清下，我會諗點解會傳出咁嘅報導？返嚟都會了解一下，其餘真係一笑置之。」

撰文︰娛樂組

圖片來源：《晴報》圖片／林良明攝