反起跑線聯盟2丨51歲朱茵出山再拍港劇演魔鬼教師 直認同老公黃貫中為女兒意見分歧

朱茵在2012年與黃貫中結束愛情長跑，奉子成婚，兩人婚後育有一女黃鶯，轉眼間，黃鶯今年讀國際學校六年級。朱茵在社交平台分享一家三口的溫馨生活點滴。

同場加映：

掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

{{hket:inline-image name="10.jpeg"}}{{/hket:inline-image}}

{{hket:inline-image name="12.jpeg"}}{{/hket:inline-image}}

最近，朱茵接拍ViuTV劇集《反起跑線聯盟2》，今日聯同一眾演員，出席劇集開鏡拜神儀式。相隔10多年再接拍香港劇集，朱茵坦言是被導演的誠意和劇本吸引，不過她對女兒卻帶點內疚，說：「因為而家係暑假，但我要開工。阿囡有嚟探班，係第一次嚟片場探我，佢問我做乜嘢（角色），我話做想學生好嘅老師，佢話『哦，係做好老師』，佢原來識得分，我有少少安慰，會攬住佢一齊睇呢套劇。」至於將來是否讓女兒亮相，客串一下？朱茵表示順其自然。

恩愛夫妻｜朱茵怨黃貫中只顧拖女懶理老婆 被數5大缺點即下令罰頂痰罐【下一頁】

現年51歲的朱茵，在劇中人稱魔鬼教師，她解釋角色是一位對學生嚴格、執着，但又好愛錫學生的老師。問她可有以女兒的老師作為參考對象？朱茵指自己好幸運，「囡囡由幼稚園、小學，都係我跟出跟入，變咗我同好多老師傾過偈，我腦入面都有好多幅藍圖；加上我細個嘅時候，真係有咁樣嘅老師教導過我，我到而家都記得佢，好感謝佢嘅教學方法。當然戲劇嘅嘢有好多加加減減，角色方面自己都加咗好多設計入去。」

朱茵出辣招賀老公57歲牛一 黃貫中甘願中伏︰畀乜我都食【下一頁】

{{hket:inline-image name="001VOzTEgy1gj9z0zy0h0j60zk0qonbt02.jpg"}}{{/hket:inline-image}}

在育兒方面，朱茵指自己是個有傾有講的媽媽，但以老公黃貫中（Paul）的角度來說，她是一位嚴厲的媽媽。朱茵重視的是女兒待人接物要有禮貌，自理能力也要好；學業方面則要努力溫習，盡力就不會介意分數。

朱茵反而覺得丈夫放任女兒，她說：「有時我都睇唔過眼，（管教）咁鬆嘅？但又好得意，爸爸教佢，佢又學到啲嘢，原來爸爸媽媽要相輔相成，我都佩服老公嘅教法，同我係有啲唔同，所以我哋夾咗，佢教嘅時候，我就忍住唔出聲，寧願我哋賽後檢討。」夫妻偶然都會出現意見分歧，特別是打機問題，朱茵：「爸爸會課金，但我堅持唔會，又覺得呢樣嘢係佢哋嘅溝通方式。」

採訪、攝影：倪小珊

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】