老頑童周伯通丨75歲綠葉王秦煌與無綫完約 效力TVB 44年曾奪專業演員獎

現年75歲嘅綠葉王秦煌，今日傳出佢同效力44年嘅無綫完約。秦煌1978年被無綫電視皆羅致，至今參演過逾110齣劇集，2022年於《青春不要臉》中飾演焦丹一角，成為佢喺TVB最後一部作品。

同場加映：  掃毒3｜徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

數日前，林偉於小紅書上載與秦煌嘅合照，相中見佢精神不錯，身形一如以往咁「壯」，頸同下巴連成一體，林偉留言︰「阿王（煌）是我尊敬（的）前輩，參與好多電影、電視演出，歐陽克+老頑童周伯通。」秦煌去年亮相鄭丹瑞嘅網上健康節目時，自言上身好重，為咗膝頭唔好再受咁大壓力，為健康著想而減磅。秦煌稱每日努力行二千步，選擇食物都比較小心，又會做運動及量度血壓。2016年，秦煌萬千星輝頒獎典禮上獲頒「專業演員大獎」，表彰他在演藝方面的貢獻與努力。

{{hket:inline-image name="VideoScre.jpg"}}{{/hket:inline-image}}

秦煌除咗傑出嘅演藝事業之外，兩次意外入院亦令大家非常深刻。2008年7月秦煌於長洲消遣後乘船歸家，因飲醉酒「斷片」而不慎跌倒墮海，導致頭部受傷昏迷，送院檢查後情況一度嚴重，有生命危險，幸好留院7日後康復出院。2020年秦煌於電視城為劇集宣傳時，因不適跌倒，令佢右邊膊頭骨裂，翌年又因為身體不適到廣華醫院急症室求醫。其後佢減少工作，去年除咗參演無綫劇集《青春不要臉》，今年仲同無綫有約嘅佢都有亮相ViuTV劇集《極度俏郎君》，扮演廚師。

秦煌1978年先到「麗的電視」客串蕭笙監製的劇集《天龍訣》「夏哈哈」一角，再與無綫電視簽約。《鹽梟》係佢同無綫電視拍攝嘅第一套電視劇，秦煌一直演肥胖可愛嘅忠角居多，例如金庸筆下嘅老頑童周伯通、《薛家三部曲》和《大運河》嘅程知節以及《鹿鼎記》嘅茅十八等，偶有做壞人如《施公奇案》嘅僧格正雄等，但亦都好入屋。秦煌於1983年無綫經典劇集《射鵰英雄傳》中演主要角色周伯通後開始於大中華地區為人所認識，觀眾緣極佳。

圖片來源：東星娛樂