愛回家丨張景淳呂慧儀否認「龔水」鬧婚變 被傳暫別劇組：等緊編劇寫我返嚟

《愛．回家之開心速遞》演員張景淳、呂慧儀及劉丹（丹爺）等今日出席宣傳活動，「龔燁」張景淳當眾示範穿校服裙，效果「驚人」。

同場加映：寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

{{hket:inline-image name="VCG111450772421.jpg"}}{{/hket:inline-image}}

近日《愛．回家》劇情拆散「龔水」，「龔燁」失憶變回賤精，令二人面臨婚變，「龔燁」更被安排到外地出差，似乎要暫別劇組。「龔水」否認分開，呂慧儀說：「無拆散到，只係我哋平凡生活有啲小風波，令感情更進一步。」對於觀眾嗌罷睇，他們說：「好開心大家對我哋嘅事咁有感覺，其實（劇中）有致敬七年以來發生嘅嘢，粉絲都搵得番以前片段剪輯出嚟，好犀利。」

張景淳亦否認暫別劇組：「劇情話我會出差，之後都講番吓我出差、遠距離（戀愛）嘅嘢。（幾時回歸？）等緊編劇寫我之後返嚟，有第二個故事方向，其實（龔水）有啲危機，先有新方向再發展。」呂慧儀亦幫口否認：「其實嗰集個名叫《告別之前》，觀眾即刻問『又走？』，真係好肉緊。」

{{hket:inline-image name="VCG111450772514.jpg"}}{{/hket:inline-image}}

另外，張景淳在內地發展飲食生意有聲有色，他透露下月將在深圳開設旗艦店，呂慧儀即冧讚：「公司真係唔養閒人，個個都周身刀！」而她亦化身「蟹蟹老師」開設YouTube頻道，「拍片教科普同STEM，其實主要畀蟹籽睇，希望share畀小朋友，吸收下益智知識。」

{{hket:inline-image name="VCG111450772396.jpg"}}{{/hket:inline-image}}

此外，近日有指劉丹的前新抱楊冪有意爭回女兒「小糯米」的撫養權，更頻頻來港探女，丹爺拒談家事：「唔講，外面廢話連篇。（兒子劉愷威唔鍾意？）係人都唔鍾意啦，無啲咁嘅事。人在做天在看，上天自會安排。」

{{hket:inline-image name="VCG111450772409.jpg"}}{{/hket:inline-image}}

採訪：梁紹明

撰文：娛樂組

相片：東星