亞洲電視秦始皇丨劉永墮內地買樓騙案痛失老本 4年前被嫩妻狠飛分身家獨養兩子

曾為亞洲電視當紅小生嘅劉永，憑劇集《秦始皇》演嬴政一角走紅，現年72歲嘅佢早前慘遇騙案，明日更會出嚟交代事件。

同場加映：徐偉棟拒做徐少強2.0做自己 與妹相依為命成長：對佢好內疚

{{hket:ul-video id="8962"}}{{/hket:ul-video}}

劉永早前打算於廣州黃埔區購入兩幢「萬薈瓏寓」複式新樓，預先繳交人民幣$60,000，點知到第2次付款時得悉係騙案！朋友講笑話「秦始皇都敢呃」，但劉永本人就好心悒血汗錢被呃。劉永明日下午三點會拎買樓文件並帶同中國律師，開記者招待會，希望告誡香港市民買樓時要小心，同分享要注意的事項，希望藉住今次機會，幫到其他市民唔會再誤墮圈套！

{{hket:inline-image name="5d5a05d6gy1g65qgwtycsj20ku0go3zt.jpg"}}{{/hket:inline-image}}

劉永曾經歷三段婚姻，與黎燕珊離婚後，於2007年再娶細佢30歲嘅內地女子黃麗燕，婚後育有兩子。2019年被妻子狠飛，更要將位於中山單位出售分半，畀幾百萬前妻以換取兩子撫養權。分開後劉永返港生活，方便照顧在港讀書嘅兩個仔，目前租住上水一間700多呎村屋。

劉永有搞影藝公司亦有演出網絡電影，生活不成問題，但仍要為養仔努力奮鬥。當年被前妻分一半身家，佢亦認為對方為佢生咗兩個係「應得」。至於前亞姐黎燕珊係劉永第二任妻子，婚後育有一子一女。兩人離婚後子女跟阿珊生活，但過時過節，子女都有與劉永聯絡及飲茶。劉永亦曾直認虧欠黎燕珊，指自己年輕花弗貪玩，不懂珍惜感情造成傷害，又讚佢係個好女人，將子女教得好，兒女生活舒適，令佢十分安慰！

圖片來源：微博