2020年參加香港小姐競選入行的郭柏妍，在2022年的《萬千星輝頒獎典禮》獲頒「飛躍進步女藝員」，短短3年時間已獲公司加許。她被無綫安排入戲劇組，《下流上車族》的「芊芊」已成為她的代表作之一。公司塑造乖乖女形象見效，十分健康討好，近日有份演出的《破毒強人》，戲份更比以前更重。星途順暢的她與丁子朗傳緋聞已久，否認怕影響星途而拒絕認愛，稱對方為好友。作為「A0女神」揭開有約會「魔咒」，不過專注事業而不會在意。
郭柏妍接受《晴報》訪問，談到在《破毒強人》中，則扮演Wing，角色較成熟，性格似足管家婆，與徐安樂（何廣沛 飾）是青梅竹馬，跟Chloe（張寶兒 飾）展開三角戀。這次戲份大增，她自言經驗不足，幸得同劇前輩胡定欣教路，使她進步不少。
在《白色強人II》（2022年播放）中，她（病患）跟胡定欣（Dr. Ip）並無對手戲。她還記得第一日拍攝《破毒強人》，自己太緊張了，尷尬場面頻生，說︰「我一早入廠，出晒汗，係定欣提醒我，個妝溶咗。我化妝唔叻，佢周不時提醒我。」
郭柏妍在2020年參加《香港小姐競選》時，比賽當晚胡定欣也在場，對方的氣場，她彷彿至今仍能感受得到。直至《白色強人II》同台卻沒有對手戲，只能從旁偷師，郭柏妍：「定欣演技多變，《破毒強人》又有唔同演繹方法睇到。私下佢好Sweet，見到我甩漏會提點。同佢做對手戲，我驚自己多NG，個人變得心急，佢提我講對白要慢啲。」
這一次較多戲份，對手何廣沛飾演啞巴，對郭柏妍是大大的考驗，「要睇住佢做完手語我接住講對白，有啲難度，搞出幾多笑料，因為我未記得切佢啲手語，有時佢未做完我就講對白。平時未埋位佢練習手語，我有望住，知悉手語嘅意思，容易啲接對白。」
2020年參加《香港小姐競選》奪得季軍的郭柏妍，受到悉心栽培，短短3年拍的劇有《青春不要臉》、《雙生陌生人》、《下流上車族》；未播出的有《新聞女王》、《逆天奇案2》、《奪命提示》等，戲份越來越多，角色對劇情起關鍵作用。郭柏妍形象健康，好動好學，學滑水、樂器、唱歌等來增值。她感激TVB的安排，讓她找到適合自己的工作崗位。
TVB出動「禁戀令」以防藝人形象受損，何沛珈與阮浩棕、陳瀅和周嘉洛等，屢屢傳出不敢公開戀情。被稱為A0女神的郭柏妍，自拍畢《下流上車族》之後，一直跟丁子朗傳緋聞。二人經常「不約而同」出現同一場合，睇展覽或者睇騷，他們例牌否認，郭柏妍︰「而家一定係做嘢行先。喺《下流上車族》入面芊芊、高榮係情侶，劇外我哋係好朋友、好同事。之前去睇畫展，為興趣，咁啱佢（丁子朗）喺度啫。我同佢喺《奪命提示》（未播放）係歡喜冤家，有感情線，咁啱公司安排演情侶咋嘛，相信換咗其他人都有同樣效果。」
丁子朗被封為「女神收割機」，林宣妤、戴祖儀、劉穎鏇、陳曉華、麥明詩等都是他的「獵物」，郭柏妍笑指對方並非浪得虛名，「拍劇嚟計佢算係（女神收割機），佢同公司好多靚女合作！好褔利！我好羨慕佢，我就少呢啲機會。」
自言喜歡「欣賞」女仔的郭柏妍，連煲劇類型也以韓國女星為首選，莫非女神另有取向？她否認說：「我特別鍾意睇女仔，因為鍾意睇佢哋打扮、化妝，順便學習。」試過有男仔主動埋身，「行行吓街突然有個男仔問我攞電話號碼！我有啲驚所以走咗。我對愛情冇幻想，可能年紀仲細（25歲）？讀書時候女仔朋友多，有男仔約我去睇戲嘅，可能有電影院魔咒，睇完就各自返屋企，冇再約會。」
採訪：王連連
拍攝：何家賢
場地提供﹕One Step Studio
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】