香港先生丨44歲黃祥興宣布離巢告別TVB 18年感覺趨平淡：人到中年咩都試

黃祥興（原名：黃長興）今日在IG宣布離開TVB的消息，他特別在TVB電視城的大門外，跟代表性Icon TVBUDDY合照，正式告別合作18年的電視台藝員身分，而他的字裡行間，似乎對於未有機會被重用或者得獎而感到遺憾。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

黃祥興學IG片將「便便」揩細仔手 3歲Damien反應超搞笑【下一頁】

{{hket:inline-image name="368170537_3562531560701397_5995047562542499821_n.jpg"}}{{/hket:inline-image}}

黃祥興留言說：「眨下眼18年！我成日希望有機會在台上講呢幾句由衷說話，不過相信現在只有喺我呢個平台講了！好想多謝樂小姐，珍姐，多謝你們多年的栽培和照顧。多謝台前幕後咁多位同事，好多謝用過我嘅監製，希望大家保持身體健康，繼續工作愉快！我會畀心機行一條新路，相信有緣江湖再見 #新開始 #newstart」，祥興遺憾未能在頒獎典禮的台上親自致謝樂易玲及曾勵珍兩位高層，實在帶住遺憾離巢。

祥興接受《晴報》電話訪問，他表示：「主要因為合約完成，續約條件傾唔埋數，合作咗18年，係時候離開呢個大家庭喇，試吓新嘢！我都算係人到中年，而家出面好多後生仔競爭，當自己仲有競爭力，唔試仲等幾時呀？」他表示如今正式回復自由身，但會繼續在娛樂圈發展，「娛樂圈工作已經入晒腦呀喇，趁仲有機會、仲有能力都會繼續做，（轉電視台還是？）未諗，今日先啱啱正式離開。」

黃祥興老婆曾為家庭放棄空手道 多年後追夢成功考獲黑帶【下一頁】

被問到是否要養妻活兒，而TVB人工不能養家？他說：「其實唔係，收入支持到嘅，不過坦白講發展係平淡咗。既然呢行今日唔知聽日事，趁有氣有力就向外闖。（拍電影？）之前都有拍過，雖然戲份唔多，但發揮都可以，以前廣東話未掌握得咁好，的確係個局限，但而家至少都有8至9成，電影圈絕對可以應付到。其實任何發展機會我都接受，起碼有得試、有得揀，以前合約係TVB就會困住、局限咗。」

{{hket:inline-image name="326448826_143249354946179_4101909145485060203_n.jpg"}}{{/hket:inline-image}}

黃祥興2005年參與《香港先生》而入行，雖然最終落敗，不過他的混血兒型男外表加上大隻身形，獲無綫電視主動邀請簽約。黃祥興入行後雖然廣東話不靈通，但仍有不少劇集拍攝的機會，率先跟一線花旦郭羨妮合演劇集《滙通天下》。祥興先後拍攝過近70部劇集，不過大多數都是男配角的位置，最近在劇集《法言人》中，他飾演馬國明的合夥人，有不少戲份發揮，而他最後告別作是《痞子無間道》，暫時未有播映日期。

祥興2012年跟現時的太太Peggy在法國註冊結婚，二人婚後育有一女及兩子，家庭非常熱鬧。而祥興的胞弟黃長發同樣參與《2006年度香港先生選舉》，更取得冠軍，不過長發由於曾經有負面新聞纏身，所以比哥哥還要早離開娛樂圈。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組