森美半個月花$960打「富貴籃球」 網民指成為「目標」：當book咗個場

相信唔少駕駛人士都曾經試過因為唔記得入錶而被抄牌，食一張「牛肉乾」，當堂咩mood都冇晒。噚日森美就因為太熱愛籃球而破財，即刻成個人「頹」晒。

同場加映：  獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

森美近年都不時分享自己去打「早場」籃球嘅相，有時早到上午7點就去報到，相信唔係咁多人可以做到，認真熱血！不過噚日就有一盤冰水淋落佢度，事關佢滿心歡喜咁打完波之後，驚覺自己破財，森美留言：「無眼睇呀！我走㗎喇！「埋週」（埋舟）射三球三分就走㗎啦！第二球嘅時候突然間見到阿sir嘅背影，衝出去都已經太遲啦！八點就走㗎啦！如果入波準啲就可以食個早餐！而家……食牛肉乾！」

{{hket:inline-image name="5.JPG"}}{{/hket:inline-image}}

森美post出告票，見到佢08:04就畀人抄牌，換言之係開始收費後4分鐘就「中招」， 網民留言：「已經釘住你嘅時間，每次來都必定查你，好可惜」、「分明係捕住，唔係08:01抄你已經係畀咗面」；又有網民安慰佢：「你當book咗個場打咪感覺好啲囉。」

森美透露佢今個月已經食咗第三張告示，即係已經「跌」咗$960，認真「揦脷」。森美又提醒大家唔好學佢：「各位唔好掛住入波記住入錶！架車喺個場隔籬㗎咋！一個月打波第三張啦！打波好貴呀！幫我打氣「記得入錶」！個頭都即刻生意失敗咁！」

由2020年3月起，警方逐步展開「電子定額罰款通知書先導計劃」，讓前線執法人員以手提裝置讀取或輸入違泊車輛的資料，並即時印製定額罰款通知書。警務處數據顯示，2020年共發出270.79萬張「牛肉乾」，2021年大升59.43萬張，升幅達21.9%，達到330.21萬張。2022年進一步上升至336.35萬張。單看2022年，西九龍總區違泊告票最多，達101.1萬張，其次為港島總區，有62.4萬張。

圖片來源：Instagram