星光路上︳「群姐」許思敏同黃秋生拍三級片自認貪玩 爆多年來絕少提老公原因係…

67歲許思敏憑《愛回家之開心速遞》中接龍清潔女工「群姐」一角而入屋，劇組先後安排歐陽震華同陳浚霆，跟她有搞笑的感情線；而廣為人認識及關注的許思敏，外間亦以「群姐」來尊稱她。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

{{hket:inline-image name="08163003.jpg"}}{{/hket:inline-image}}

{{hket:inline-image name="08163001.jpg"}}{{/hket:inline-image}}

入行超過30年的許思敏，在三級片盛行的90年代時，有份拍過《香港舞男》、《聊齋艷譚續集：五通神》、《八仙飯店之人肉叉燒包》、《弱殺》及《屯門色魔》等電影。當中《人肉叉燒包》中劉兆銘一家被滅門最經典，身為媽咪的許思敏被男主角黃秋生摸胸又咬爛面；至於在《屯門色魔》內就被男主角李家聲姦殺，兩齣電影的演出皆很大膽。

《愛回家》群姐陳年靚相網上瘋傳 「群腳仔」驚爆媽媽係混血兒？【下一頁】

許思敏今次接受《星光路上》主持人潘盈慧訪問，談到當年為何接拍如此激烈的電影，許思敏表示：「電影公司好似曾經搵過1、2個演員做媽咪角色，就係因為有場戲講秋生哥係會觸摸胸部，佢哋就唔肯演，咁就搵到我…又唔係求我做，就話『思敏姐，你試吓演』，咁我都有思想鬥爭，要我演場咁嘅戲？係咪？我又驚影響我嘅家人，影響啲仔，佢哋又話『呢個角色好正面喎…同你做戲嗰個係秋生哥喎』，我都好仰慕秋生哥嘅演技，好啦！咁我又貪玩又想挑戰自己，就應承話去演啦。老實講，唔記得拍咗2日定3日，我2晚冇瞓過，當然應承得就要做好去，個腦唔得冷靜，瞓唔到又真係有壓力。」

愛回家丨群姐曾過勞令身體出現狀況 「醫生叫我最好唔好做嘢」【下一頁】

正所謂一不離二，許思敏第二年就拍《屯門色魔》，「家聲哥哥演呢個屯門色魔，講嗰場戲好似大家有啲接觸咁。我只不過自己做，導演就教我話『你掹住我鐵欄，就自己郁吓郁吓做個動作啦』，咁撞吓撞吓後，第二日返去洗面，原來塊面撞腫咗，咁冇所謂都拍完嗰場戲。」至於完成這兩齣電影後，有否想過之後會做女主角，許思敏話：「真係冇諗到呢樣嘢，做主角嘅壓力實在好大，我唔想畀自己咁多壓力，同埋人到中年冇謂咁多思想。」

（↓點擊放大睇圖片↓）

許思敏轉到電視圈發展後，「群姐」可謂是她事業上的一個高峰，她說：「出嚟嘅效果係咁入屋，我真係冇諗到，我諗大家亦冇諗到。（被封為No.1女神）真係好難得，我好開心又好大壓力。（想同邊個再有感情線？）無論『中肉』、『鮮肉』、『老肉』或『臘肉』，我都冇計較嘅，哈哈哈，最緊要出嚟嘅效果係好，我係冇所謂，做戲冇問題！（老公同仔一直全力支持做戲？）點解我好少提我老公呢？佢冇出過聲話支持我，亦都冇話反對…我都冇理佢，哈哈哈！同啲仔傾吓就得，佢哋長大又有自己嘅家庭，覺得你鍾意做你喜歡嘅嘢咪做囉，而且又做得咁受歡迎又咁入屋，佢哋覺得好有面子，所以冇話有咩聲氣！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】