港姐競選丨官方宣傳片回顧佳麗參選心路歷程 郭珮文戒驚青 鄧凱文姜依宁變喊包

《2023香港小姐競選》將於下周日（27日）舉行決賽，16位佳麗連日來積極備戰，勢以最佳姿態踏上港姐決賽舞台。為讓佳麗親眼見證及回顧參賽後變化，無綫製作一系列名為《給一個月後的我》的官方宣傳片，將16位佳麗於6月尾及7月尾接受的個人專訪組合剪輯成8條宣傳片，片段中觀眾除看到佳麗外貌上的蛻變，還能了解眾人心路歷程的變化。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

{{hket:inline-image name="38.jpg"}}{{/hket:inline-image}}

{{hket:inline-image name="40.jpg"}}{{/hket:inline-image}}

{{hket:inline-image name="22.jpg"}}{{/hket:inline-image}}

{{hket:inline-image name="06.jpg"}}{{/hket:inline-image}}

16位佳麗之中，以姜依宁(Jenny)、鄧凱文(Eris)較為感性，在越南外景已被揭爆喊的Jenny，原來早於6月尾受訪時亦曾哭成淚人，當時她一邊落淚、一邊哽咽稱：「呢個係我人生中第一次面對咁多鏡頭，真係…」回看一個月前拍下的片段，Jenny再度淚盈於睫。現在面對鏡頭已明顯較之前進步不少的她，坦言會「繼續堅持」。至於Eris看到自己在一個月前傻氣地為將來的自己打氣時，數度感觸拭淚：「好多謝一個月前嘅自己，依家可以同番一個月前嘅自己講，我做到喇。」

{{hket:inline-image name="41.jpg"}}{{/hket:inline-image}}

{{hket:inline-image name="42.jpg"}}{{/hket:inline-image}}

之前在越南外景時曾稱有社恐的郭珮文(Juliana)，6月尾受訪時明顯相對驚青，全程忍笑，表現亦略見尷尬。經過一個月磨練，Juliana不但變得更大方得體，更淡定表示連社恐亦有所改善：「我變得無咁驚人，喺越南嗰度我要同好多陌生人講嘢，發現自己原來係做到，同埋真係享受嘅。」與Juliana同為熱門的王敏慈(Lovelle)，面對一個月前的自己搞笑地做出「頭大」動作，並稱參賽後信心大增：「之前我好緊張，其實一路以嚟感受到好多支持，呢個係一個動力，我唔想讓支持我嘅人失望。」另一熱門莊子璇(Hilary)，相比起一個月前亦明顯表現更淡定，談到輸贏，她笑言：「我唔係好在意輸贏，做得好過尋日已經可以喇。」

{{hket:inline-image name="35.jpg"}}{{/hket:inline-image}}

撰文：梁紹明

圖片：大會提供