岑麗香靠湊b收身初嘗親子瑜伽 囝囝jet lag唔願郁萌爆變樹熊

岑麗香日前與四歲半大兒子Jacob參與由保險公司舉辦的「身心動力PowerUp親子瑜伽班」，與多位家長及小朋友同場進行親子瑜伽。香香首次跟囝囝做瑜伽，備受考驗，皆因Jacob剛由加拿大回港，未適應時差，全程十足小樹熊般黐實媽媽，可愛度爆燈。

同場加映：

獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

熱愛瑜伽運動的香香參與瑜伽班，當然難不到她，但是第一首次與阿仔做瑜伽，就坦言大受考驗，「喺屋企都有做瑜伽，阿仔見到，好奇一下，我會問佢哋想唔想join？今日終於第一次同囝囝跟老師做瑜伽。」活動期間，Jacob受到十多小時的時差影響，睡眼惺忪，全程攬實媽媽，香香大受挑戰，一臉慈母般表示：「其實我冇expectation嘅，佢咁細個，目標唔係要做到完美動作，反而想佢同我做運動，開開眼界。畢竟我哋剛由加拿大探親返港，佢有少少jet lag，今朝凌晨四點已起身，之後只係瞓咗半個鐘晏覺，所以佢表現算非常叻叻！」

{{hket:inline-image name="4.jpeg"}}{{/hket:inline-image}}

香香認為跟小朋友做運動，最重要是保持耐性，透過過程令他們學習聆聽，開開眼界見識新事物及發掘自己喜好，她說：「一齊做運動幫助我哋建立親子關係，自己一個做運動時，可以好集中去做，同小朋友做運動係另一種fun！好似mommy and son date，一齊試新嘢一齊學習一齊拉筋舒緩壓力，一起交流，享受互動，加強bonding！」丈夫與Jacob同屬運動型，香香笑言與囝囝做得最多的運動是「騎馬仔」，而她正是扮演馬仔角色。

對於有網民大讚她是圈中其中一位演繹work-life balance十分成功的媽媽，香香認為要真正達到work-life balance絕不容易，表示：「無論工作幾忙都好，一定要抽時間同小朋友互動，多啲傾偈，build up佢嘅將來，如果day time不用開工的話，我都會陪小朋友，me time通常喺佢哋瞓咗覺之後。」貴為兩子之母，香香身形依然fit到漏，她笑說做媽媽頻頻撲撲，又時常要抱小朋友，每天谷出最大運動量，絕對是收身良方。

撰文︰娛樂組

圖片來源：大會提供