港姐泳裝丨郭珮文長髮遮住35吋豐滿上圍 司儀6號叫撥開頭髮當耳邊風

《2023香港小姐競選決賽》將於8月27日舉行，16位候選佳麗將競逐本年度港姐冠、亞、季軍、最上鏡小姐及友誼小組榮銜。今日，候選港姐們首以泳裝會見傳媒，當中6號胡睿涵（Hanna）、9號潘明璇（Michelle）和16號郭珮文 （Juliana）的身材最為出眾，未知Juliana是否怕醜，她刻意將長髮遮擋住35吋的豐滿上圍。

同場加映：獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

{{hket:inline-image name="DSC_7891.JPG"}}{{/hket:inline-image}}

{{hket:inline-image name="DSC_7867.JPG"}}{{/hket:inline-image}}

自嘲在佳麗之中算是大隻的Juliana，擁有35、22.5、36的三圍，問到怎樣保持身段？她說：「我都係照常食嘢，為咗着泳衣，個肚唔係咁大，兩日前就稍為注意咗，戒咗宵夜，平時食炸雞，而家就蒸南瓜，因為我有壓力就想食嘢，但食嘢又會肥。」

港姐2023丨16號郭珮文票選「一見鍾意佳麗」 呻身材成焦點感煩擾【下一頁】

提到在出場時，Juliana的長髮遮擋上圍，司儀陸浩明（6號）說：「遮住件衫就唔好，Juliana，你自己可唔可以輕撥啲頭髮呢？」Juliana聞後只是「做個樣」，輕輕將一小撮頭髮撥向後面。事後，Juliana解釋：「因為髮型師幫我整理好，我唔想整亂。（點樣備戰？戒宵夜？）哎呀，我自己要睇住，因為我喺越南返嚟真係肥咗好多，而家返到去第一輪面試時嘅體重，點都唔可以畀自己再肥番。」
至於擁有36、25.5、36.5三圍的Hanna狀態大勇，她表示消減了不少，「我食沙律、健康食物減，戒咗零食同碳水（化合物），食雞胸肉。」其次則是Michelle，她的三圍是34、22.5、34，對於最近因經常變樣惹來整容傳聞，Michelle說：「我好開心，啲人覺得我靚咗先咁，TVB化妝好好，髮型都好重要，改咗髮型後，塊面會上鏡啲。」

2023香港小姐競選丨莊子璇傳因耍大牌遭佳麗杯葛 搵郭珮文做證：唔覺有人唔鍾意我【下一頁】

{{hket:inline-image name="DSC_7863.JPG"}}{{/hket:inline-image}}

{{hket:inline-image name="DSC_8038.JPG"}}{{/hket:inline-image}}

至於大熱的15號莊子璇（Hillary），其三圍是33、23、35，身形都不俗。對於日前她在IG限時動態透露，因壓力影響以致雙手出紅疹，需要留院觀察。幸而今日所見，Hillary的紅疹已經散退，她指兩日前，與媽媽聊天時，突然發現無緣無故地癢來，後來面部更腫起來。她表示在飲食方面跟平時一樣，相信不是跟飲食敏感有關，「醫生話可能最近免疫力低，壓力太大，（呢排負面新聞搞到有壓力？）我覺得冇乜嘢，因為呢啲一直都有，我都唔知點解突然間咁（起疹），冇壓力就假，少少啦，但一定要自己面對。我住咗兩日院，打咗6、7枝針。」Hillary表示藥力會否「有少少震，因為我話要出院，跟住佢就轉咗藥畀我，啲藥有少少副作用，就係好眼瞓，都有啲暈，頭先我唔小心食咗蝦餃，跟住條頸有少少痕痕哋。」問到有否影響信心？她笑說：「ok啦，第一下係驚死我，死喇！之前都有試過敏感，但冇咁嚴重。」她謂要病向淺中醫和注意飲食。會否擔心再復發？Hillary指今早忘記帶藥，最後要勞煩家人拿給她。

{{hket:inline-image name="DSC_7970.JPG"}}{{/hket:inline-image}}

採訪：黃寶蓮

攝影：林良明

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】