說好了│安俊豪藉新歌分享錯過的事 遺憾亡父無法親睹自己獲獎

安俊豪（Simon）今日在饒宗頤文化館為新歌《說好了》舉辦音樂分享展，並首度聯合港九六間咖啡店設遺憾收集箱，以不記名方式收集超過100封歌迷對於 「錯過的一件事」，當中包括MV女角《試當真》女神陳苡臻（Jessica）。

同場加映：獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

{{hket:inline-image name="2.jpg"}}{{/hket:inline-image}}

Simon分享新歌《說好了》的構思，他說：「今次係講『改變』，我一直都唔係好識好深入咁表達自己，所以只可以用歌表達自己嘅感受，我想改變自己呢樣嘢，亦都想藉住《說好了》改變大家，邀請大家分享你哋嘅故事，放低你哋嘅遺憾。」

{{hket:inline-image name="4.jpg"}}{{/hket:inline-image}}

Simon亦於會上分享他的錯過，「我小學、中學嗰陣都冇乜朋友，當時以為自己好多朋友，但係人哋唔當我係朋友嗰種。個人冇自信，所以認識朋友嘅過程更難，高中仲轉過三次校，終於識到個好朋友，我哋一齊打機、打波，大家互相支持，最後因為我又轉校，大家就因為啲小誤會疏遠咗，如果有機會我都想同佢講番聲Sorry，希望可以做番朋友。」

{{hket:inline-image name="5.jpg"}}{{/hket:inline-image}}

他亦提到對爸爸的遺憾，安爸爸從來都是他最忠實的支持者：「就算再冇價值、再三分鐘熱度嘅嘢，佢都支持我，直到我去參加歌唱比賽，佢好開心。做呢行，遺憾係我無辦法知道將來係點，今年我攞咗兩個小小嘅獎，更遺憾係佢無辦法喺現場笑住睇我攞獎。」安俊豪說罷亦忍不住眼濕濕，真情流露。

{{hket:inline-image name="1.jpg"}}{{/hket:inline-image}}

撰文：娛樂組

相片：大會提供