林盛斌老婆單拖帶子女加拿大度假 Bob與另一女性長期獨處一室

林盛斌（Bob）一向都係圈中愛家好男人嘅代表，同太太生咗4條化骨龍嘅佢不時都同大家分享同家人嘅生活點滴，一家六口糖黐豆。不過日前Bob就「被撇甩」獨自留港，令佢出現「大膽嘅想法」。

同場加映： 獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

早前Bob嫂Pearl一個人帶住4個仔女去加拿大，而身為一家之主嘅Bob就留港工作，剛出發時Bob已經表示會好唔慣，並post出一張老婆仔女嘅合照，留言：「佢哋就去加拿大度假，我就留喺度繼續搵食……唉，點算呢，好掛住佢哋添，屋企有三個禮拜冇人嘈喧巴閉，冇人無啦啦六七點叫我起身，好唔慣添，點算好呢？」

{{hket:inline-image name="354162634_1324344138462679_4078405282406363063_n.jpg"}}{{/hket:inline-image}}

當時已經唔少網民話佢炫耀有個悠長假期，真正大挑戰嘅係Bob嫂一打四，而Bob喺老婆離開香港4日後就開始「作怪」！Bob嫂唔喺屋企，Bob就同另一個女性共處一室，仲post相加招積留言：「呢個女人，入得廚房，出得廳堂，仲要識得整香煎雞扒太陽蛋蔥花印尼撈麵。而家成日同佢獨處一室，我老婆真係要快啲返嚟，如果唔係，我驚我會有大膽嘅想法……….」

其實Bob講嘅「呢個女人」，如果有睇開就知係佢嘅家傭姐姐，不過唔少網民都依然搞笑留言：「都有啲似你老婆。」、「會唔會出事㗎？」、「有冇咁誇張呀，比（畀）個天你做膽你一定唔敢啫。」又有人問佢嘅大膽諗法人咪食多一個麵，仲好心勸佢健康為上，節制飲食；仲有網民叫佢介紹好姐姐畀「早餐KOL」張敬軒，因為軒公嘅姐姐出名整頹食，所以佢有個識整嘢食嘅姐姐真係好幸福呀！

圖片來源：INSTAGRAM