思家大戰︳羅家英狂講我愛你汪明荃毛管戙 婉轉爆阿姐最大缺點 李思捷助攻

阿姐汪明荃同羅家英以夫妻檔，帶領來自粵劇界的謝曉瑩、郭俊亨及高潤鴻，組成「荃家高瑩俊」隊上《思家大戰》，對撼林夏薇、周嘉洛、姜大衛、徐榮及古佩玲所屬的「寵愛Pet Pet」隊。阿姐、家英哥自然成為周日（13日）一集的焦點所在，家英哥拖住老婆手講「I love you」，搞到阿姐大叫「毛管戙」，之後又爆料話阿姐唔夠慳家，推高全場氣氛。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

{{hket:inline-image name="T21.png"}}{{/hket:inline-image}}

{{hket:inline-image name="T16.png"}}{{/hket:inline-image}}

阿姐同羅家英結婚14年，人前人後都咁恩愛，是夜公開放閃。當主持人李思捷問到對粵劇、電影的看法時，家英哥即賣口乖答：「我拍電影就家肥屋潤，娶到老婆啦！」引發全場尖叫；問到夫妻愛情保鮮法，家英哥即9秒9捉住阿姐玉手話：「因為我哋經常拖手仔行街。」更忽然向阿姐高呼：I love you！嚇得阿姐打冷震並說：「嘩！毛管戙！」阿姐明顯口不對心，頻頻露出冧笑樣。

迷人Pink lady丨羅家英窒阿姐「一言堂」爆內褲顏色 汪明荃發火大鬧節目尷尬收尾？【下一頁】

最意想不到是家英哥亦會「甩轆」，當追問他們結婚多久時，家英還未開口，卻充滿危機感，阿姐瞪大雙眼望實他，家英哥口窒窒話：「我係0……09年結婚嘅，14年喇！」另一條問題是「問咗100位已婚男士，硬係覺得人哋老婆有咩好過自己老婆」時，家英哥衝口而出答「慳家」，令現場所有人覺得阿姐唔夠「慳家」，是一個「大使」的老婆。阿姐亦成為思捷狙擊的目標，不斷拿她身上的衣服作話題，她相當之精靈，拋出一句說話來扯開話題，「最緊要睇吓（答案）啱唔啱先！」

（↓點擊放大睇圖片↓）

阿姐擺明車馬想贏，遊戲開始前向李思捷施壓，她說：「我擔心我遊戲玩唔掂，點算呢？你有冇貼士呀？我想今晚攞你嗰5萬蚊同禮品呀！」阿姐聽李思捷教路，向姜大衞單眼撒嬌求讓賽，成功𠱁得對方開心並答應：「我攞咗就畀你哋！」心情大靚的阿姐在節目內大開金口，跟林夏薇合唱出「經過那些年…」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】