馮盈盈瘦得只剩下頭曬Barbie腰 網民擔憂過度減肥：要食番多啲嘢

前港姐冠軍馮盈盈（Crystal）近年性格大變，由從前「放蕩性女」形象變為斯文專業形象，成功洗底嘅佢獲「解凍」後正式加入新劇《逆天奇案2》嘅拍攝工作，狀態大勇。不過佢日前上載自己新相就被指太瘦，令大家都好擔心佢健康出問題。

同場加映： 前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

馮盈盈日前分享靚相，相中佢着上緊身短背心露出纖腰，配上一條桃紅色短裙，腳踏充滿夏日風情嘅人字拖，露出燦爛笑容，擺出港姐式hello手，趕上近日扮Barbie熱潮。馮盈盈的確係有好似Barbie咁幼嘅纖腰，不過，佢雙腿同雙手都同樣瘦到好似火柴人咁，令人非常擔心。

{{hket:inline-image name="VCG111156644382.jpg"}}{{/hket:inline-image}}

馮盈盈瘦到比例上有啲頭大身細，雖然相中面色尚算唔錯，但網民都非常心痛，擔心佢健康狀況，留言：「有點太瘦了，骨瘦如柴」、「又瘦咗。」、「不要再瘦了。」、「上鏡都咁瘦，真人不敢想像。」、「要食多啲嘢呀。」、「唔好再減肥了。」、「大瘦反而唔好睇。」

不過馮盈盈之後已經即刻出story安撫fans們，指自己只係做跑步帶氧運動保持健康，自己有按時食飯，少食垃圾食品，佢仲話大家咁講反而畀佢知做運動真係好有成果，而佢而家身體都好健康，叫大家唔使擔心佢。