李彩華閂濾鏡撞樣「近代」薛凱琪 着全黑與黃嘉樂老婆睇Barbie

李彩華（Rain）自16歲入行，高佻有氣質嘅佢初出道時風頭一時無兩，香港人睇咗佢23年，到而家佢都只係39歲。近年李彩華主力喺內地發展，所謂「橘越淮而枳」，最近睇到佢個樣同氣質似足內地人，不過睇開晒filter嘅圖片都唔可以作準，昨日（7日）佢同多年老友黃嘉樂老婆Samantha一齊去睇《Barbie》，Samantha post出多張冇執嘅相，大家可以睇到Rain現時嘅美貌喇！

同場加映： 前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

Samantha post出多張同Rain嘅合照，留言：「紀念識左（咗）咁多年竟然第一次一齊睇戲，好彩我冇信你著粉紅色。」平時經常打扮得花技招展嘅Rain呢日相對低調，原來係因為要配合低調嘅Samantha，Rain留言：「你話你冇粉紅色，我先唔着咋，如果唔係一定型到爆囉。」Rain仲曾叫Samantha即買Barbie pink衫着，不過Samantha就表示接受唔到自己着粉色。

{{hket:inline-image name="WhatsA.jpeg"}}{{/hket:inline-image}}

相中Rain雖然低調，不過一雙長腿依然好吸睛。相中見到佢似乎唔係化濃妝，但就整咗眼睫毛，同近年嘅薛凱琪好似樣，靚樣唔使點執本身都夠晒「Barbie」。

Rain早前參加內地真人《乘風2023》（前名《乘風破浪的姐姐》第4季），節目中佢嘅一對長腿受到不少網民讚賞，不過Rain自出道以來，容貌都被指不斷進化。其內地化妝師拍片又影相，多角度同網民分享佢嘅新look，不過就因為filter開到過晒火，臉形變得又尖又長，眼睛奇大，鼻翼又超窄，當時更被網民指撞樣「佛地魔」！不過去年播出劇集《家族榮耀》，大家都已經見到Rain喺社交平台以外嘅靚樣。

圖片來源：Instagram、微博