由TVB聯同香港星空衛視傾力打造的全新偶像選秀節目《亞洲超星團》，早前已在全亞洲招募練習生。今日（8日）《亞洲超星團》官方微博釋出65位參賽者的名單，分別來自香港、內地、台灣、日本、韓國、越南等地，他們將在節目中接受專業製作人和訓練師的指導培訓，最終根據投票結果，產生全新的亞洲超級偶像團體出道。
同場加映：演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患
在65位參賽者中，有9位來自香港，包括TVB小生丁子朗（Karl）、《聲夢傳奇》參賽者冼靖峰（Archie）及黃奕斌（Hugo）、《聲夢傳奇2》出身的文佐匡（Sean）、環球唱片旗下歌手余宗遙、TVB童星出身的區珀豪及獨立團體ApeX的主舞副唱成員黃星綽（Hugo）；還有兩位「星二代」，分別是莫少聰及洪欣之子張鎬濂及歐陽妙芝細仔方玉亨。
現身在上海的丁子朗，正在為節目做準備，他在IG表示：「最近每天的生活，就只有跳舞和唱歌，只希望呈現最好的舞台。」丁子朗接受《晴報》訪問，指今次參賽都係緣分使然，「咁啱cast完就中咗，就嚟上海試吓。」
而在眾多參賽者之中，26歲的丁子朗已算是最「高齡」，與年紀最細的參賽者相距11年。問到丁子朗以「高齡」參賽，他笑言：「的確我比起其他人年紀較大，有好多都係14、15歲，大佢哋10年。不過我覺得年紀無咩所謂，唔會有限制，反而我年紀大少少心理質素平穩啲，我都係以學習心態參賽，同埋想睇多啲呢個世界。」
丁子朗又指他每天都要跳舞和唱歌，用了一個月時間習慣這種高強度的訓練，「到時節目入面會有好多唱跳，始終係Idol選秀節目，每日都係長時間、高強度的訓練。入面有好多選手都好厲害，有來自韓國、內地、日本等選手，一早已習慣呢啲training模式。我初頭都有唔慣，不過一個月左右就開始習慣，都幾唔容易。」
而在官方宣傳相中，不少人都指丁子朗唔同咗樣，質疑有關方面過分P圖，丁子朗笑言：「今朝見到都有啲嚇親，不過可能呢張相係base on唔同地方審美，希望大家都會鍾意，接受呢個新嘅我。」
在官方名單釋出後，各位練習生都在社交網為自己拉票，有不少曾出道的參賽者獲不少粉絲支持。而歐陽妙芝亦有在社交網為細仔拉票：「我的孩子從小在家人衆星捧月的寵愛中成長，今天跨越自己的舒適圈為實現夢想勇敢前行。請大家多多點亮亨亨！」
丁子朗郭柏妍襯到絕拍拖睇展覽 搵圈中老友做「電燈膽」避嫌？【下一頁】
撰文：娛樂組