梁朝偉罕露腳趾沙灘親民合照 疑有灰甲「零扣血」不損男神地位

梁朝偉一向作風都非常低調，但佢就好似漆黑中嘅螢火蟲一樣，無論喺邊度，都一樣咁鮮明，咁出眾，就算佢乜都唔做，都會成為眾人焦點。日前，一張佢喺沙灘被市民「捕獲」，仲好親民咁同一個小妹妹合照，而呢張相，偉仔嘅腳趾竟然成為大家嘅討論焦點。

同場加映： 演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患

{{hket:ul-video id="8878"}}{{/hket:ul-video}}

梁朝偉予人感覺非常好靜，不過怇曾經喺訪問中講過私底下鍾愛水上運動，不但經常出海駕駛小型帆船，2018年參加維港春季帆船賽並奪得亞軍，同年更遠赴歐洲參賽，非常厲害，佢表示自己好鍾意呢啲一個人嘅me time：「喜歡做運動有助平靜自己，若天氣好就去滑水、有風就玩帆船。」日前就有人喺沙灘捕獲野生梁朝偉，仲有幸同佢合照，相中偉仔拎住一支水，單膝跪低，輕搭小朋友嘅手臂，唔少人見到都話好羨慕。

{{hket:inline-image name="310533073_785664135839410_6219209804227478290_n.jpg"}}{{/hket:inline-image}}

由於相中場地係沙灘，梁朝偉都罕有地露出腳趾，有眼利網友發現佢疑似有灰甲，留言：「他是不是有灰指甲。」、「可能是灰指甲增厚。」、「會不會只是沙。」不過唔少網民都表示就算真係有灰甲，都絲毫影響唔到佢嘅魅力，留言：「唯一一個有灰甲都可愛的男人。」「為啥他有灰指甲都這麼帥。」、「仍然不損他的男神地位。」、「無出其右的出色男人。」、「這個有灰甲的我都可以。」

其實偉仔嘅腳趾成為焦點都唔係第一次，之前偉仔曾自爆有「社交恐懼」，有一次佢同日本壽司師傅合照時，着上襪嘅腳仔呈現奇怪又唔科學嘅狀態，有人就猜測佢係因為社恐發作出現「抓地腳趾」，引起熱烈討論。

圖片來源：Instagram