吳君如獲贈特製倒模Barbie慶生 乖女出主意陳可辛自認冇貢獻

早前係吳君如嘅58歲生日，陳可辛同女兒陳是知落足心機為君如準備神秘派對，叫埋君如圈中好友出席，仲食住近期嘅Barbie熱潮整咗個驚喜生日蛋糕，睇嚟壽星女都好滿意！

同場加映： 前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

雖然君如就快「六張」，但佢近日為新戲染咗一頭金髮，一啲都冇違和感之餘仲非常「減齡」，吳君如日前上載咗一條影片，生日當日佢除咗睇《Barbie》外，仲獲三五知己同家人送上驚喜，非常幸福，佢留言：「生日去咗睇Barbie，點知同事surprised me turned me into Barbie。」

{{hket:inline-image name="VCG111392354008.jpg"}}{{/hket:inline-image}}

片中紀錄咗君如兩位助手為新買嘅Barbie剪髮，將佢剪到同君如一樣嘅長度，再造一條複製成君如金像獎造型嘅Barbie size黑裙，除咗呢個Barbie外，仲有一個特別訂製嘅蛋糕，印上咗君如多年來嘅經典電影角色，真係好有心思。片中見到席間仲邀請咗多位圈中好友，包括古天樂、谷德昭、盧覓雪等，女兒陳是知仲錫啖媽咪，非常sweet！

君如老公陳可辛更加留言畀番個credit囡囡：「係個女諗嘅idea」，仲自爆自己「零貢獻」：「and my job is only to watch the IG 😂（我嘅工作只係睇住個IG）」唔少人都話君如呢個係「呃人生女系列」，留言：「阿女真係好窩心。」、「女仔真係細心好多。」、「仲可以同阿女一齊扮靚，一齊做Barbie。」、「陳導真係一貫老公正常發揮，好彩有阿女錫。」