遺物整理｜妹妹早逝留毛公仔 媽媽錯手丟棄成遺憾 港男重酬徵3D繪圖高手盼重製

逝者遺物能讓在世者得到安慰，然而一名男網民發文透露，妹妹十年前離世，其生前數十隻心愛的毛公仔他一直好好保留在身邊，未料上月媽媽不慎將部分丟棄，事主感愧對妹妹，甚至因此出現抑鬱症狀，希望聘請3D繪圖高手助畫圖重製，以解心結。

同場加映：
管家王｜梳化皮面變舊、千年污漬有得救 專家拆解真皮仿皮優劣 教除污3招

{{hket:ul-video id="8815"}}{{/hket:ul-video}}

該男網民在「連登討論區」發帖指，妹妹十年前與世長辭，遺下約30隻生前最愛的動物毛公仔，滿載兩兄妹的回憶。事主憶述，小時候會抱著公仔教妹妹做功課，亦曾一起為公仔改名及對著公仔說話，當成了自己幻想的動物。直至妹妹過身後，事主將公仔放在床邊，不時憶起相處點滴。

媽媽誤丟公仔 事主自責陷抑鬱

不過媽媽不理解公仔背後意思，認為十分殘舊，加上為事主更換床單，收拾床鋪時多次建議將公仔丟棄。事主為免與媽媽發生爭執，決定用透明膠袋存放；然而家中只有黑色膠袋，惟有勉強照用，事主坦言當時已擔心媽媽不慎丟棄，但認為她會先打開查看，於是就此放在櫃內。

未料在上月，事主拿出公仔時，發現其中十多隻不翼而飛，懷疑是媽媽將妹妹的舊衣物連公仔一同扔掉。雖然事主已原諒媽媽，但心裡一直對妹妹感到愧疚。他隨即回想起在妹妹生前，答應對方即使家中大火也會帶走公仔，如今竟然食言；加上早前遺失手機令公仔照片全失，使他更感自責，甚至出現抑鬱症狀，

「近兩個星期放大假，我乜都做唔到，每日都好抑鬱、自責，由一瞓醒就覺得好難過，直至瞓覺，妹妹生前嘅片段亦一直浮現出嚟。」

重酬徵3D繪圖高手

直至近日，事主翻開舊相簿，發現其中兩張攝於1997年的相片拍到遺失的公仔，回憶頓時湧現，因此他打算找公仔廠重新製作公仔，包括相中的啡色小熊及青色大象，然而大部分公司要求最少訂500隻，「錢唔係問題，最緊要係可以整番佢哋出嚟！到我老咗嘅時候，望住啲公仔，都可以諗起妹妹。」然而因為大部分公仔都沒有照片，令他難以實行，因此出價$2,000聘請2D或3D繪圖高手，根據口述繪畫出當年的公仔，讓他可以重過新生活。

網民意見兩極

帖文引起網民熱烈討論，不少網民見狀都為此動容，並分享自身經歷：「樓主我明你，我都啱啱有屋企人走左，每個人面對嘅方式唔同，有人選擇懷念有人選擇逃避，正正就係你同阿媽嘅選擇。放手啦！係唔捨得，有啲嘢留喺心中就夠」、「睇到有啲想喊，希望你可以整番啲公仔」。亦有網民留言，希望事主早日釋懷，「我覺得既成事實嘅嘢就應該慢慢放低，你應該睇睇心理醫生，抑壓得太耐可能真係變情緒病，祝你早日釋懷」。

針對網民言論，事主隨後補充11隻公仔的特徵：

1. 紅色熊仔，大概23cm高，有眉毛，個鼻好似米奇老鼠咁突出嚟，頸嘅位置有黃色絲帶
2. 紫色免仔，大概30cm，眼大大
3. 粉紅色綿羊，四隻腳掂地，大概15cm，有啡色嘅角，腳部底下都係啡色
4. 藍色河馬，大概15cm，四隻腳掂地，眼睛同耳朵都好細，個口可以擘到好大
5. 藍色及灰色狗，大概30cm，個鼻好似米奇老鼠咁突出嚟，有好大嘅肚腩，坐喺度時肚腩會掂地
6. 白色狗，大概25cm，耳朵紅色，四隻腳掂地，眼神好似好眼瞓咁，口中有一個紅色心心，上面有「Love Me」
7. 細細隻嘅斑點狗，大概12cm
8. 粉紅色豬仔，大概25cm，頭大大，手同腳都好短
9. 綠色豬仔，大概15cm
10. 藍色鴨仔，大概20cm，頭上戴住頂帽
11. 紫色恐龍，大概17cm，個口噴住紅色嘅火

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：鄭婷殷