老友鬼鬼丨李國麟寶貝女讀戲劇唔反對入行 為帶貨食小龍蝦嘴唇變黑解畫

「綠葉王」李國麟在1997年與太太Angel結婚，5年後Angel誕下女兒李沅薐，今年已經20歲。原來李國麟很寵女兒，是不折不扣的女兒控，不時在社交平台上載與女兒甜密合照。

同場加映：前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

{{hket:inline-image name="af0f26f7gy1h4yl0rjkygj23402c0x6q.jpg"}}{{/hket:inline-image}}

{{hket:inline-image name="11.JPG"}}{{/hket:inline-image}}

李國麟早前接受鄧英敏主持的網上節目《老友鬼鬼》訪問，他開心指家中有位賢內助，感激遇上對方，他說：「以前好細個識佢，當日佢嫌我花弗，所以飛咗我，之後我經歷咗一段唔好嘅感情，原來女人唔係男人諗嘅咁簡單，如果遇到一個有心計都幾麻煩；知道我出咗事，佢（Angel）嚟安慰我，因為佢知我係咩人，除咗花弗，其他都冇乜嘢，之後咪相處番囉，最重要係佢為我生咗個女！」講到此處，李國麟已經笑容滿面。

舊日的足跡丨李國麟親解被批「劣質帶貨藝人」 愛錫女兒：萬一嫁唔好都有父愛【下一頁】

寶貝女李沅薐現時在英國讀大學，修讀戲劇，李國麟笑言一年使費起碼超過50萬。鄧英敏指李沅薐最愛向爸爸撒嬌，李國麟說：「我由佢2、3歲開始，當佢係朋友，夜晚會傾偈，其實佢出世就係老人院長大，因為我好大年紀先生佢，我又同父母一齊住，大家加埋幾百歲，佢就好似喺老人院長大咁，所以佢思想上比較成熟，冇同齡朋友。」問到女兒會否入行？李國麟續說：「我冇所謂，但而家求學時期，諗乜都冇用，讀完之後，諗法可能唔同；不過佢會向我取經，遇到咩角色，我幫佢拆解，又好似點得佢明，我又有啲成就感。」

李國麟​​近年在內地發展，加入直播帶貨行列，曾經有指他直播8小時仍未能吸引人落單買貨，成為「劣質帶貨藝人」；更指他直播期間狂吃小龍蝦，有網民當時發現他食到嘴唇變了瘀黑色，他在節目中就為自己平反。

老友鬼鬼丨《男親女愛》演律師獲讚熟讀劇本 李國麟大爆Do姐點對付遲到藝人【下一頁】

{{hket:inline-image name="6bZ-foxGRs2OiI1nYnQBIvnPxHPMvrEe-6QbwvukG8I.jpg"}}{{/hket:inline-image}}

節目中，李國麟指自己未試過一口氣做8小時直播，「以我體能係冇可能，做8個鐘直播要好大嘅能量，亦都冇可能一件貨都賣唔到，所以（對報道）一笑置之。」他再為嘴唇變黑解釋，「當日小龍蝦銷量很好，我就早午晚開播都食小龍蝦，每次直播兩個鐘，加埋6個鐘，嗰日之後，我唔再食小龍蝦，其實又唔係大家講到咁慘，一路講一路食，食到嘴腫，因為加咗辣椒油，食嘅時候沾咗少少。」

{{hket:inline-image name="af0f26f7gy1gilglinxazj23402c0u0x.jpg"}}{{/hket:inline-image}}

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】