前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

麥詩敏今年6月離開無綫新聞部，卸下主播身分頓時少了一份嚴肅感，眼前的她笑容燦爛，訴說著她的新生活。麥詩敏在爸爸麥振江的鼓勵下加入新聞行業，經歷過「中東呼吸綜合症」低潮期，亦當上突發記者，在疫情嚴峻期四出採訪，經驗累積下，她勇於跳出舒適圈嘗試轉投金融行業發展，因為她相信：「一生中百樣可能！」

{{hket:ul-video id="8866"}}{{/hket:ul-video}}

麥詩敏離開主播枱後，接受男朋友的求婚，正當以為她打算婚後做少奶奶，她堅持當上事業型女性，從沒想過做全職媽媽。她現時投身金融行業，亦是KOL在社交平台介紹推介產品，大受歡迎。她不時跟網友互動，沒想到網民最好奇的是主播枱以外的她，她說︰「電視熒幕前畀人感覺好惡，唔笑，態度好寸咁，朋友話我電視上聲線都唔同啲，其實現實中我唔係咁，頂多有啲慢熱啦，熟絡後就會玩得好放。（IG網友最多問咩？）問高度，可能平時只係見到我半身，估唔到大家會關注呢樣嘢！」

{{hket:inline-image name="2-23.JPG"}}{{/hket:inline-image}}

{{hket:inline-image name="fg.JPG"}}{{/hket:inline-image}}

前無綫新聞主播｜麥詩敏仙氣婚紗照曬S形身材 準人妻上月離巢無綫轉型做KOL【下一頁】

八年的主播生涯，麥詩敏的名字早已刻印在電視觀眾的心中，她坦言雖然算是誤打誤撞加入新聞行業，八年以來的學習絕對畢生受用。麥詩敏憶起早年做主播「新丁」時，「通宵更」一人打天下，由於讀新聞讀得不流暢經常NG，累一大班人為她加班，當時心情很差，「入行冇耐就發生『中東呼吸綜合症』事件，的確好驚同好唔開心，除咗怕被上司鬧之外，仲要面對網上輿論壓力，有段時間真係幾抑鬱，而家回想覺得經一事長一智，呢次係好寶貴嘅經驗。」

麥詩敏的爸爸是藝人麥振江，被譽為《警訊》一哥，在耳濡目染之下踏入同一個圈子，她說︰「細個睇佢演出嘅片段，佢分享工作經歷，直至我做主播第一日開始，佢就成為我頭號粉絲。初入行嘅我好似張白紙咁乜都唔識，有爸爸呢位專業人士教導、鞭策，令我加速學習進度，佢會指導我有咩不足之處，教我點樣改善，成就今天嘅我！」最難忘2021年疫情期間，她居住的大廈被圍封強檢，無法上班，新聞部同時委派她做突發記者報道現場情況，她表示：「做咗一日限定記者，當晚爸爸好幫忙，我要直播，佢就做攝影師揸住手機拍，我做記者。兩父女突然間變成攝影師、記者嘅拍檔關係，我覺得呢次經歷真係非常珍貴同難忘。」

{{hket:inline-image name="tg.JPG"}}{{/hket:inline-image}}

{{hket:inline-image name="2-10.JPG"}}{{/hket:inline-image}}

{{hket:inline-image name="2-13.JPG"}}{{/hket:inline-image}}

{{hket:inline-image name="2-5.JPG"}}{{/hket:inline-image}}

{{hket:inline-image name="2-4.JPG"}}{{/hket:inline-image}}

TVB新聞主播又走一位丨麥詩敏宣布離巢「跳槽」新平台 同事合照留念：享福做少奶奶【下一頁】

麥詩敏表示喜歡訪問名人，曾經在節目《探古尋源》中訪問李司棋，以選美為主題。她有幸看到當年選美的手錶獎品，司棋姐為她佩戴在手上，「我希望將來可以訪問更多名人，體會多啲佢哋多姿多彩嘅生活，人嘅一生中有百樣可能，我要多嘗試唔同嘅嘢。而家好多新聞主播都比較成熟，當我完成出面嘅挑戰，累積更多經驗，再返去做主播都得啦，暫別一陣冇問題嘅！」

{{hket:inline-image name="fb2e0cd7-f602-4d0a-95f0-20db82f9e98d.jpg"}}{{/hket:inline-image}}

{{hket:inline-image name="2-27.JPG"}}{{/hket:inline-image}}

{{hket:inline-image name="2-29.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉

攝影：何家賢、陳健珊

場地：SKYE Rooftop Bar and Dining @ The Park Lane Hong Kong