蕭唯展做「神隊友」逼江若琳旅行 招積放閃：老婆開心老公有運行

35歲的江若琳（Elanne）與老公蕭唯展（前名蕭潤邦）在去年結婚4周年的大日子，宣布懷孕喜訊。兩個月前江若琳終於卸貨誕下囝囝「BB包」，兩公婆都錫到得來不易嘅BB包燶，仲為佢開咗一個IG，紀錄佢可愛嘅成長片段。而蕭唯展都冇因為囝囝出世而忽略太太，日前江若琳就公開嘉許老公，咁多位人哋老公要學下嘢喇！

同場加映：  前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

江若琳同蕭唯展婚後不時二人世界周圍飛，就算係佗B時都照去旅行。而江若琳自BB出世後就寸步不離咁照顧，就算幾愛都會攰，相信每個媽媽都會明白！日前，蕭唯展就post出同老婆快閃澳門旅行嘅合照，留言：「老婆開心老公有運行。」而江若琳都出post大讚老公係神隊友，兩公婆勁sweet！

{{hket:inline-image name="364090046_850093669873914_4082590460556626629_n.png"}}{{/hket:inline-image}}

江若琳留言：「差不多經過兩個月做新手媽媽不見天日湊仔嘅日子，講真話無壓力唔辛苦就假嘅，我先生逼我係陪月姨姨走前要送我一個出走香港之旅，佢問我想去邊，本身想快閃飛一轉，但作為媽媽原來會超唔捨得bb。最後我決定2日1夜澳門快閃已經好滿足，呢個假期好開心，放縱地食晒好想食嘅嘢，做咗一個勁爽皮嘅spa，瞓咗一覺自然醒！想講心情好所有嘢都好好，多謝我老公嘅安排！生完我覺得有另一半嘅支持真係好重要！好啦，無咩事我繼續湊我個肥仔啦！」

其實蕭唯展「襟撈」都唔係第一日嘅事，早喺太太卸貨之前，佢已經做足100分：「老婆辛苦晒，你就快可以卸貨了，呢幾個月真的不簡單，所以你每次鬧我，我都唔出聲，唯有死忍，愛你不需要理由，最緊要你開心。」雖然講到「忍辱負重」多時咁，但其實佢真係打從心底錫老婆先做到咁貼心。唔少網民都大讚蕭唯展：「另一半係神隊友好重要」、「有貼心的老公，做個開心的媽媽」，又有人「鬧」蕭唯展拉高晒老公嘅標準，令到一眾老公都好難做呀！