孫慧雪產後胎盤製成藥丸補身 網友質疑成效：我大膽試㗎咋！

孫慧雪誕下第二胎，細仔出世有成九磅重，她直言要下更多工夫收身及吸收多啲營養，提供優質母乳畀BB。而日前孫慧雪在IG Po一盒鮮粉紅色的藥丸，表示「追趕最近的Barbie粉紅潮流，連我啲胎盤都製成粉紅藥丸」，藥丸竟然是她的胎盤？

同場加映：

中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

孫慧雪指，老公上網搵專人將胎盤製成藥粉補身，「入院生B當日向院方表示要留胎盤，並將專用雪藏箱交畀姑娘，待生產完，通知專人去醫院收回胎盤，代為清潔蒸乾再製成藥粉。」

{{hket:inline-image name="363418685_18381604030050870_1616952027588855540_n.jpg"}}{{/hket:inline-image}}

她又指香港好少有人將胎盤製成藥丸，外國就好流行這個做法，「我問專人點樣確保個胎盤係我嗰個？佢話真係講個信字咋！咁我惟有信佢啦......」續稱，剩胎盤製藥丸需要4千多元，如加精油則要6千多元。

{{hket:inline-image name="363390140_18381604039050870_1575466432989067837_n.jpg"}}{{/hket:inline-image}}

不少網民大感驚訝，紛紛留言：「有啲噁心」、「個胎盤有幾大？可以做到咁多粒藥丸」、「好想知係乜味道」、「西式紫河車」。有人問：「真係可以食落肚？」孫慧雪回覆：「我都唔知呀！我大膽試㗎咋！」指藥丸的功用在於補身，增加母乳，有加速復原之效。

孫慧雪在未生B之前，出Po問網民有關留胎盤一事：「我記得上一次生BB嘅時候，醫生問我留唔留胎盤，我想問，有冇人留過？同埋留嚟可以點用㗎？真心問！因為我有住喺外國嘅朋友，佢話有公司會攞嚟做藥粉，跟住就可以自己食番，但香港好似冇！」當時有網民回覆：「馬來西亞係可以把胎盤做成中藥，一粒一粒（藥粉），然後自己食番補身！」

孫慧雪成功卸貨誕9磅重第二胎 產後素顏勁少女：我個肚鬆晒【下一頁】

撰文：娛樂組