靈戲逼人｜《愛回家》CPU變官仔骨骨粵劇小生 譚坤倫演李成昌年輕版做足功課

TVB劇集《靈戲逼人》中有不少綠葉，他們的演出值得觀眾留意。當中在《愛回家之開心速遞》中飾演接龍IT三子之一CPU的譚坤倫（Alan），這次由IT男變成一名粵劇小生，演李成昌扮演的角色的年輕版本。雖然Alan戲份不算多，他直言自己為了這個角色下了不少功夫，做了不少功課，專登找了昌哥去對戲，務求盡善盡美。

同場加映：

譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

Alan接受《晴報》訪問，指︰「我膽粗粗WhatsApp搵昌哥去夾，譬如問佢啲小動作，講嘢嘅語氣，作為一個小生嘅企姿、坐姿…佢角色係一個粵劇嘅小生（方雪海），昌哥話佢嘅企姿一定係企得好直，而動作方面佢會經常攞手叉腰。」

{{hket:inline-image name="0.jpeg"}}{{/hket:inline-image}}

{{hket:inline-image name="9-6.jpeg"}}{{/hket:inline-image}}

Alan特意回廠觀看李成昌做戲，「講嘢嘅語氣方面，我專登入廠睇吓點做，同個仔溝通嗰種語氣係點樣，譬如佢成日會叫個仔做衰仔，講嘢嘅時候通常會一隻手叉腰，另一隻手會手指指等等…」

昌哥也指點了他，「我都係盡量模仿，始終唔同年代，如果模仿時有困難情況嘅話，佢提醒我盡量搵一種舒服方式去演繹，最緊要自然，千祈唔好chok聲！」他為角色加入自己的想法，「講嘢方面加少少以前嘅年代口音，把聲要好響但唔可以惡；動作方面都有少少古裝感覺，始終係文武生，指人嘅話會用兩隻手指。」

{{hket:inline-image name="687.jpeg"}}{{/hket:inline-image}}

原來Alan早在參加藝員訓練班時與昌哥結緣，他說：「佢係我哋訓練班嗰陣時嘅客席導師，教過兩、三堂。其實都好開心演佢角色後生版，昌哥特別好人，我先敢問佢嘢，佢都好肯講，考慮埋我嘅顧慮，幫我分析埋點樣處理會更好。」又指早期兩人在《公公出宮》及《包青天再起風雲》合作，都令他獲益良多。

愛回家｜CPU有望「脫毒」與Gigi有感情線 譚坤倫瘋狂谷肌 感激同劇前輩鼓勵【下一頁】

撰文：娛樂組

圖片：受訪者提供、劇集截圖