中年好聲音丨樊亦敏夥拍羅啟豪合唱火花十足 建議三少入《愛回家》演阿Joe？

在《愛回家之開心速遞》中飾演三太白天娥的樊亦敏，戲裡戲外的傻大姐性格都相當討好，除了吸引不少廣告商的青睞之餘，更有不同方向的發展機會。日前，樊亦敏獲安排跟《中年好聲音》的多位參賽者一齊現身為《大笪地唱不停》錄影，更跟季軍羅啟豪合唱梅艷芳及張國榮的經典《緣份》一曲，默契十足，樊亦敏的唱功亦相當有水準。當樊亦敏跟羅啟豪在台上手拖手時，更引起全場哄動，非常有趣。

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

中年好聲音丨羅啟豪住半山被野生捕獲搭巴士 一行為被讚貼地：參賽好友笑我慳家【下一頁】

{{hket:inline-image name="363322156_10168150077210525_9139206591146865287_n.jpg"}}{{/hket:inline-image}}

{{hket:inline-image name="363773393_10168150075170525_2688285184521437226_n.jpg"}}{{/hket:inline-image}}

樊亦敏其實一直都跟《中年好聲音》相當有淵緣，過往節目錄影和他們的演唱會都有捧場，深深被他們的熱血所感動。樊亦敏事後在IG分享當晚的花絮照片，其中一條片是她跟羅啟豪在TVB化妝間練歌的片段，樊亦敏在片中問啟豪表演地點，沒想到啟豪呆住稱只知是中學，忘記中學的名字，樊亦敏即時「三太」式大笑：「哈哈，我好鍾意佢呀，佢應該可以做阿Joe呀，同三太有得比呀！」

樊亦敏接受《晴報》電話訪問，她表示：「佢叫三少，我係三太，所以我亂講，我希望佢演我個仔，不過當然最終唔係由我哋決定。今次同豪豪一齊唱歌好開心，但由於我拍緊劇，綵排時間比較少，所以我約佢拍劇中間放飯休息時間喺化妝間練歌，同埋傾吓點樣走位。」樊亦敏坦言心情難免緊張，因為以往較少在舞台上向住大批市民表演唱歌，「估唔到最終表演個反應都好好，佢固然唱得好聽啦，我唱成點就留畀大家評價，不過我好努力呀！希望將來更多機會可以唱歌畀大家聽，可以再同豪豪合唱就最好喇！（佢好怕醜仔，你拖佢手？）係咩？佢好怕醜呀咩？可能三太比較熱情感染到佢啦！」

{{hket:inline-image name="363389816_10160898740952114_8431213859861717380_n.jpg"}}{{/hket:inline-image}}

{{hket:inline-image name="357561930_2695283273946482_2107972797842070166_n.jpg"}}{{/hket:inline-image}}

隱形戰隊│樊亦敏「發佬姣」狂追細11年黃子恆 粉紅少女打扮送上門零違和感【下一頁】

羅啟豪表示自己跟三太合照，感到非常榮幸，不過最開心原來係家姐，他說：「我好幸運同開心可以有機會同三太喺天水圍站個《大笪地唱不停》合唱《緣份》。其實我同佢都真係幾有緣份，首先，我家姐係好鍾意、好鍾意睇《愛回家之開心速遞》，當佢知道我見到《愛回家》裡面嘅演員都會超興奮，譬如好似今次見到三太咁，一樣好High。然後，《中年好聲音》決賽當晚同三太影相嘅時候傾偈，先知道原來佢一路有追開我哋個比賽，好支持我哋呢班新人。」

{{hket:inline-image name="SAN3_600.jpg"}}{{/hket:inline-image}}

提到樊亦敏揚言他適合演阿Joe，羅啟豪笑言：「佢講笑話搵我演《愛回家》裡面佢個從來身在英國但係未出現過嘅仔，叫三少阿Joe。唔知大家知唔知道其實我哋《中年好聲音》嘅戰友每人都有個花名，譬如周吉佩叫周吉冠、佳佳叫李亞佳、龍婷叫龍四、仲有五恒、六強等等！好好笑！我就咁啱係叫『羅三少』，好似阿Joe咁。加上，我又係之前喺英國住，同阿Joe背景一樣，所以如果我真係有機會可以被邀請入到呢個劇組，做三太嘅仔，咁就正喇！」

{{hket:inline-image name="357514498_2695283190613157_5159487848549502806_n.jpg"}}{{/hket:inline-image}}

{{hket:inline-image name="357536406_2695283210613155_8860207940307362299_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組