MIRROR御用音樂監製丨曾樂彤暗撻連詩雅舊愛徐浩 同遊日本洩蜜2年多前已默認戀情

英皇歌手曾樂彤暗撻人氣男團MIRROR御用音樂監製、連詩雅舊愛徐浩（Terry），有指二人已發展地下情兩年多，去年底秘密飛往日本洩「蜜」，一班朋友私下亦以「阿嫂」稱呼曾樂彤。

同場加映： 張敬軒想盡辦法唔返屋企食飯 全因「姐姐」創意料理無啖好食

{{hket:ul-video id="8770"}}{{/hket:ul-video}}

今年5月，Terry在ViuTV《CHILL CLUB推介榜 年度推介22/23》獲頒作曲人獎，當時他在台上哽咽及公開多謝女友：「多謝女朋友，因為我喺屋企寫唔到歌嘅時候，我都話呢次唔掂，但佢會鼓勵我：『冇可能，你係最叻，你一定寫到。』」雖然冇公開女友身分，但圈中工作伙伴一早知道二人戀情。

{{hket:inline-image name="120292234_2844611145822734_5138017476529351769_n.jpg"}}{{/hket:inline-image}}

曾樂彤同徐浩嘅親密關係喺朋友間已經係公開秘密，女方經常與Terry糖黐豆參加同門蔡卓妍及容祖兒嘅閨密聚會。兩人去年底一同飛日本旅行，雖然各自上載獨照，但就被枱上的咖啡杯及身後景物「出賣」。然而其實徐浩都冇刻意保密，因為早喺兩年多前有一位網民喺Terry同曾樂彤嘅合作片段下留言：「好合拍好有愛嘅情侶檔。」Terry並冇澄清，更加like咗呢個留言，默認戀情。

Terry當年以組合V出道，早已退居幕後作曲編曲，近年成為「MIRROR御用監製」。Terry曾經同連詩雅拍拖3年多，最後在2020年分手收場。而曾樂彤早年加盟英皇，由KOL轉型做歌手，曾與演員游學修拍拖一年。兩年前，曾樂彤推出歌曲《躲不開的一課》，該曲正是由Terry作曲，當時他們不約而同經歷情傷，因合作互相傾訴而暗生情愫。

圖片來源：Instagram